యూఎన్ రిలీఫ్ రిహాబిలిటేషన్ అడ్మినిస్ట్రేషన్ ద్వారా రెండో ప్రపంచ యుద్ధ సమయంలో ప్రభావితమైన పిల్లలు, తల్లులకు తక్షణ ఉపశమనం అందించడానికి యునిసెఫ్ను 1946, డిసెంబర్ 11న ఏర్పాటు చేశారు. అందుకే ప్రతి ఏటా డిసెంబర్ 11న యునిసెఫ్ వ్యవస్థాపక దినోత్సవం ప్రపంచవ్యాప్తంగా నిర్వహిస్తున్నారు.
ట్యాగ్లైన్: ఫర్ ఎవ్రీ చైల్డ్
ప్రధాన కార్యాలయం: న్యూయార్క్
ప్రపంచవ్యాప్తంగా వ్యాధి నిరోధక టీకాలు, ఎయిడ్స్ సోకిన పిల్లలు, తల్లులకు చికిత్సను అందించడం, మాతా శిశు పోషణను మెరుగుపరచడం, పారిశుద్ధ్యాన్ని మెరుగుపరచడం, విద్యను ప్రోత్సహించడం, విపత్తులకు ప్రతిస్పందనగా అత్యవసర సహాయాన్ని అందించడం. ఇది ఒక పిల్లలకు మానవతా, అభివృద్ధి సహాయాన్ని అందించే ఐక్యరాజ్యసమితి ఏజెన్సీ. మొదట్లో యునైటెడ్ నేషన్స్ ఇంటర్నేషనల్ చిల్డ్రన్స్ ఎమర్జెన్సీ ఫండ్(యునిసెఫ్)గా ఇప్పుడు, అధికారికంగా యునైటెడ్ నేషన్స్ చిల్డ్రన్స్ ఫండ్గా పిలుస్తున్నారు.
