న్యూఢిల్లీ: జల్ జీవన్ మిషన్ను 2028 వరకు పొడిగిస్తున్నట్లు ఆర్థిక శాఖ మంత్రి నిర్మలా సీతారామన్ ప్రకటించారు. ఈ స్కీమ్ కింద రూరల్ ఏరియాల్లో నల్లా కనెక్షన్లతో రక్షిత తాగునీరు సప్లై చేస్తామన్నారు. డిపార్ట్మెంట్ ఆఫ్ డ్రింకింగ్ వాటర్ అండ్ శానిటేషన్ కింద జల్ జీవన్ మిషన్ అమలవుతున్నది. 15 కోట్ల ఇండ్లకు నల్లాల ద్వారా వాటర్ సప్లై చేస్తున్నారు. రూరల్ పాపులేషన్లో 80శాతం మంది జల్ జీవన్ మిషన్తో లబ్ధి పొందుతున్నారు. 2028 నాటికి 100 శాతం పూర్తి చేస్తామని నిర్మల
ప్రకటించారు. జల్ జీవన్ మిషన్కు రూ.67వేల కోట్లు కేటాయించారు. 2024–25 ఫైనాన్షియల్ ఇయర్ సవరించిన అంచనాలతో పోలిస్తే.. రూ.22వేల కోట్ల పెరుగుదలను సూచిస్తుంది. 2025–26 బడ్జెట్లో రూ.70,162 కోట్లు కేటాయించారు. జల్ జీవన్ మిషన్లో ‘జన్ భాగీదారి’కి ప్రాధాన్యం ఇవ్వనున్నారు. రూరల్ ఏరియాల్లో పైప్లైన్లు, క్వాలిటీ ఇన్ఫ్రాస్ట్రక్చర్, ఆపరేషన్ కోసం ప్రజల భాగస్వామ్యాన్ని పెంచనున్నారు. సస్టైనబుల్ అండ్ సిటిజన్ సెంట్రిక్ వాటర్ సర్వీసెస్ కోసం రాష్ట్రాలు, కేంద్ర పాలిత ప్రాంతాలతో ఎంవోయూ కుదుర్చుకుంటామని నిర్మల ప్రకటించారు.
