- ఫస్ట్ టైమ్ ఉద్యోగంలో చేరేవారికి రూ.15వేలు
- మూడు విడతల్లో నేరుగా ఖాతాల్లో డబ్బు జమ
- ఉద్యోగాలు ఇచ్చే కంపెనీలకూ ప్రోత్సాహకాలు
- రూ.3వేల వరకు ఈపీఎఫ్వో కంట్రిబ్యూషన్ రీయింబర్స్
న్యూఢిల్లీ: యువతకు ఉద్యోగ, ఉపాధి అవకాశాలు కల్పించాలనే లక్ష్యంతో కేంద్ర ప్రభుత్వం మూడు కొత్త స్కీమ్లను ప్రకటించింది. దేశంలో నిరుద్యోగులు పెరిగారన్న అపోజిషన్ పార్టీల విమర్శల నేపథ్యంలో ‘ప్రధాన్ మంత్రి ప్యాకేజీ’ పేరుతో ఈ పథకాలను తీసుకొచ్చింది. ఈ మేరకు ఆర్థిక శాఖ మంత్రి నిర్మలా సీతారామన్ ఈ స్కీమ్స్ గురించి లోక్సభలో వివరించారు. ఎంప్లాయీస్ ప్రావిడెంట్ ఫండ్ ఆర్గనైజేషన్లో ఎన్రోల్మెంట్ చేసుకున్న యువత, వేతనం ఆధారంగా ఈ స్కీమ్ను అమలు చేయాలని కేంద్రం నిర్ణయించింది.
స్కీమ్ (బీ): మ్యానుఫాక్చరింగ్ రంగంలో ఉద్యోగ కల్పనే లక్ష్యంగా ఈ స్కీమ్ను కేంద్ర ప్రభుత్వం తీసుకొచ్చింది. ఫస్ట్ టైమ్ ఎంప్లాయ్తో పాటు జాబ్ అవకాశం ఇచ్చే మేనేజ్మెంట్కు కూడా ఇన్సెంటివ్ ప్రకటించింది. ఈపీఎఫ్వో ఆధారంగానే ఈ స్కీమ్ను అమలు చేయనున్నది. ఉద్యోగం కల్పించిన నాటినుంచి నాలుగేండ్ల వరకు ఈ ప్రోత్సాహకాలు అందుతాయి. దాదాపు 30 లక్షల మందికి లబ్ధి చేకూరనున్నది.
స్కీమ్ (సీ): ఈ పథకం ద్వారా అన్ని రంగాల్లో అదనపు ఉపాధి లభిస్తుంది. అడిషనల్ జాబ్స్ కల్పించిన యాజమాన్యాలకు రెండేండ్ల పాటు రూ.3,000 వరకు ఈపీఎఫ్వో కంట్రిబ్యూషన్ను రీయింబర్స్ చేస్తామని కేంద్రం ప్రకటించింది. ఈ పథకంతో 50లక్షల ఉద్యోగాల కల్పన జరుగుతుందని అంచనా వేస్తున్నారు. నెలకు లక్ష రూపాయల్లోపు జీతం ఉన్న వారిని అడిషనల్ ఎంప్లాయ్మెంట్ కింద లెక్కిస్తారు.
స్కీమ్(ఏ): ఫస్ట్ టైమ్ ఉద్యోగంలో చేరే వారికి మొదటి నెల జీతం కేంద్ర ప్రభుత్వమే అందిస్తుంది. అన్ని సెక్టార్లలోని జాబ్లకు ఇది వర్తిస్తుంది. హయ్యెస్ట్గా ఒక్కొక్కరికి రూ.15వేలు అందజేస్తుంది. ఈ అమౌంట్ ను మూడు విడతల్లో సదరు వ్యక్తికి డైరెక్ట్ బెనిఫిట్ ట్రాన్స్‌‌‌‌ఫర్ స్కీమ్ కింద అతని ఖాతాలో డబ్బులు జమ చేస్తుంది. ఈ స్కీమ్ ద్వారా రానున్న ఐదేండ్లలో సుమారు రెండు కోట్ల మంది యువతకు లబ్ధి చేకూరనున్నది. నెలకు గరిష్టంగా లక్ష రూపాయాల్లోపు జీతం ఉన్న వాళ్లు ఈ స్కీమ్కు అర్హులు.
స్కిల్ డెవలప్మెంట్ కోసం రెండు స్కీమ్లు
స్కీమ్ (ఏ): ‘ప్రధానమంత్రి స్కీమ్స్’ కింద యువతకు స్కిల్ డెవలప్మెంట్ ట్రైనింగ్ ఇవ్వాలని కేంద్రం నిర్ణయించింది. ఆ రెండు స్కీమ్లను నిర్మలా సీతారామన్ ప్రకటించారు. రాష్ట్ర ప్రభుత్వాలు, పరిశ్రమల సహకారంతో ముందుకువెళ్లనున్నది. వచ్చే ఐదేండ్లలో 20లక్షల మంది యువతకు స్కిల్ డెవలప్మెంట్లో ట్రైనింగ్ ఇవ్వనున్నది. వెయ్యి ఐటీఐలను హబ్ అండ్ స్పోక్ మోడల్ కింద అప్గ్రేడ్ చేయనున్నది. ఇండస్ట్రీల అవసరాలకు అనుగుణంగా ఎడ్యుకేషన్లో కొత్త కోర్సులు తేనుంది.
స్కీమ్ (బీ): రాబోయే ఐదేండ్లలో కోటి మంది విద్యార్థులకు ఇంటర్న్షిప్ అవకాశాలను అందించే పథకాన్ని కూడా ప్రభుత్వం ప్రకటించింది. ఈ ఇంటర్న్షిప్లు దేశంలోని టాప్ 500 కంపెనీల్లో అందజేస్తారు. ప్రతి స్టూడెంట్కు నెలకు రూ.5వేల ఇంటర్న్షిప్ అలవెన్స్ అందుతుంది. రూ.6వేల సాయంతో పాటు ఈ పథకంలో పాల్గొనే కంపెనీలు తమ కార్పొరేట్ సోషల్ రెస్పాన్సిబిలిటీ (సీఎస్ఆర్) కార్యక్రమాల నుంచి వచ్చే ఫండ్స్ను ఉపయోగించి శిక్షణ ఖర్చులు, పది శాతం ఇంటర్న్షిప్ ఖర్చులను భరిస్తాయని కేంద్రం తెలిపింది.
