- ప్రాజెక్టులు నిర్మిస్తానని రైతులను మోసం చేసిన కేసీఆర్
- దళిత బంధు పేరుతో ఎమ్మెల్యేలు కమీషన్లు తీసుకున్నరు
నల్గొండ/నల్గొండ అర్బన్, వెలుగు : నల్గొండ పట్టణాన్ని స్మార్ట్ సిటీ చేసేందుకు కేంద్రం రూ.400 కోట్లు ఇస్తే, వాటిని దుర్వినియోగం చేశారని కేంద్ర హోమంత్రి అమిత్షా ఫైర్అయ్యారు. శనివారం నల్గొండలో జరిగిన విజయ సంకల్ప సభకు చీఫ్ గెస్టుగా హాజరయ్యారు. ఈ సందర్భంగా ఆయన మాట్లాడుతూ.. యాదాద్రి లక్ష్మీ నర్సింహాస్వామి, చాణక్య బ్ర హ్మదేవాలయం, చాయ సోమేశ్వరాలయం, చెర్వుగట్టు జడల రామలింగే శ్వరస్వామి, మహావీర్ బుద్దుడు ఉన్న ఈ గడ్డ మీద అడుగుపెట్టడం అదృ ష్టంగా భావిస్తున్నానని చెప్పారు.
నల్గొండ పట్టణాన్ని అభివృద్ధి చేస్తానని చెప్పిన సీఎం కేసీఆర్ కనీసం సాగు, తాగునీటి ప్రాజెక్టులు కూడా చేపట్టలేదని మండిపడ్డారు. ఫ్లోరైడ్ నివారణకు చేపట్టిన శివన్నగూడెం రిజర్వాయర్ నిర్మాణం పనులు మధ్యలోనే ఆపేశారని, నల్గొండ, నకి రేకల్ ప్రాంతాలకు సాగు, తాగునీరు అందించే బ్రహ్మణ వెల్లంల ప్రాజెక్టుల నిర్మాణం చేపట్టకుండా రైతులను మోసం చేశారని ఆగ్రహం వ్యక్తం చేశారు. దళితబంధు స్కీమ్‌‌లో బీఆర్ఎస్ ఎమ్మెల్యేలు రూ. లక్ష నుంచి రూ. 3 లక్షల వరకు ముడుపులు తీసుకున్నారని ఆరోపించారు.
ఈ ఎన్నికల్లో బీజేపీ అభ్యర్థులను భారీ మెజార్టీతో గెలిపించాలని పిలుపునిచ్చారు. అధికారంలోకి రాగానే జిల్లా అభివృద్ధికి కృషి చేస్తామని హామీ ఇచ్చారు. ఈ సమావేశంలో జిల్లా పార్టీ రాష్ట్ర ఉపాధ్యక్షుడు గంగడి మనోహర్ రెడ్డి, ఎమ్మెల్యే అభ్యర్థులు కంకణాల నివేధితారెడ్డి, లాలూనాయక్, సాధినేని శ్రీనివాస్రావు, నకిరేకంటి మొగిలయ్య, ఇంచార్జ్ దుగ్యాల ప్రదీప్, గోలి మధుసూదన్ రెడ్డి, వీరెల్లి చంద్రశేఖర్, చింత సాంబమూర్తి, నూకల న రసింహారెడ్డి, నాగం వర్షిత్ రెడ్డి, నూకల వెంకట్ నారాయణరెడ్డి తదితరు లు పాల్గొన్నారు.
కంచర్లను ప్రజలు నమ్మే పరిస్థితుల్లో లేరు : మాదగాని శ్రీనివాస్ రెడ్డి
బీఆర్ఎస్ ఎమ్మెల్యే కంచర్ల భూపాల్ రెడ్డిని నల్గొండ ప్రజలు నమ్మే స్థితిలో లేరు. ఆయనకు నల్గొండను దోచుకోవడంలో ఉన్న ద్యాస ప్రజా సమస్యలపై లేదు. ఎన్నికల్లో ఓడిపోతామనే భయంతోనే డబ్బులతో లీడర్లను కొంటున్నరు. మెడికల్ కాలేజీ అవుట్ సోర్సింగ్ ఉద్యోగాల్లో నల్గొండ నిరు ద్యోగులను కాకుండా నకిరేకల్, చిట్యాల ప్రాంతాలకు చెందిన అనుచరుల ఉద్యోగాలు ఇచ్చిండు. ఎంపీ కోమటిరెడ్డి వెంకటరెడ్డిపై ప్రజల్లో నమ్మకం లేకుండా పోయింది. ఎవరెన్ని కుట్రలు చేసిన వచ్చే ఎన్నికల్లో బీజే పీ గెలవడం ఖాయం.
పార్టీలు మారే లీడర్లకు బుద్ధిచెప్పాలి : చల్లమల కృష్ణారెడ్డి
అధికారం కోసం పార్టీలు మారి ఓట్ల కోసం వస్తున్న లీడర్లకు ఈ ఎన్నికల్లో బుద్ధి చెప్పాలి. సీఎం కేసీఆర్ మునుగోడును దత్తత తీసుకుంటానని ఉప ఎన్నికల్లో చెప్పి ఓట్లు దండుకున్నడు. కానీ ఎక్కడా అభివృద్ధి పనులు చేపట్టలేదు. బీజేపీని అధికారంలోకి తీసుకొస్తే నియోజకవర్గంలోని పెండింగ్ ప్రాజెక్టులన్నీ కంప్లీట్ చేస్తాం.
