ఆదిలాబాద్, నిజామాబాద్, సికింద్రాబాద్ పరేడ్ గ్రౌండ్స్లో బహిరంగ సభలుహైదరాబాద్, వెలుగు: కేంద్ర హోం మంత్రి అమిత్ షా ఆదివారం రాష్ట్రానికి రానున్నారు. ఆదిలాబాద్ ఎంపీ అభ్యర్థి గోడెం నగేశ్తరఫున సిర్పూర్ కాగజ్నగర్లో నిర్వహించనున్న ఎన్నికల ప్రచార సభలో అమిత్షా పాల్గొంటారని బీజేపీ రాష్ట్ర ప్రధాన కార్యదర్శి ప్రేమేందర్ రెడ్డి తెలిపారు. మధ్యాహ్నం 3 గంటలకు నిజామాబాద్లో అర్వింద్ తరఫున ప్రచారం చేసి బహిరంగ సభలో మాట్లాడుతారని శనివారం ఓ ప్రకటనలో తెలిపారు.
దాంతోపాటు సాయంత్రం 5 గంటలకు ఈటల రాజేందర్ తరఫున సికింద్రాబాద్ పరేడ్ గ్రౌండ్స్లో ఏర్పాటు చేసిన బహిరంగ సభలో పాల్గొంటారని చెప్పారు. సోమవారం బీజేపీ జాతీయ అధ్యక్షుడు జేపీ నడ్డా పెద్దపల్లి ఎంపీ అభ్యర్థి గోమాస శ్రీనివాస్ తరఫున పెద్దపల్లిలో, భువనగిరి అభ్యర్థి బూర నర్సయ్య గౌడ్కు మద్దతుగా చౌటుప్పల్లో, నల్గొండ అభ్యర్థి సైదిరెడ్డికి మద్దతుగా నల్గొండలో నిర్వహించనున్న బహిరంగ సభల్లో పాల్గొంటారన్నారు.
