రూలింగ్పార్టీకి అనుకూలంగా సర్దుబాటుకు యత్నం
నిజామాబాద్, వెలుగు: రెవెన్యూ శాఖలోని ఎఫ్ఏసీ తహసీల్దార్ల (ఫుల్అడిషనల్చార్జ్) బదిలీల వ్యవహారంలో చక్రం తిప్పేందుకు ఓ యూనియన్ లీడర్ రంగంలోకి దిగాడు. అతడికి అధికార పార్టీకి చెందిన ఓ ముఖ్య నేత అండదండలు ఉన్నట్లు సమాచారం. అధికారుల కొరత కారణంగా జిల్లాలోని 15 మండలాల్లో డిప్యూటీ తహసీల్దార్లే ఇన్చార్జి తహసీల్దార్లుగా పనిచేస్తున్నారు. ఎలక్షన్ కమిషన్ నిబంధనలు ఈ హోదాలో పనిచేస్తున్నవారు ఎన్నికల విధులు నిర్వహించడాన్ని ఒప్పుకోవు. దీంతో ఎలక్షన్ యాంగిల్లోనే ఎఫ్ఏసీ తహసీల్దార్లను సర్దుబాటు చేయనుండగా ఆ వ్యక్తి చక్రం తిప్పుతున్నట్లు తెలుస్తోంది.
ఆయా మండలాల్లో..
జిల్లాలో మొత్తం 33 మండలాలున్నాయి. అందులో బోధన్, రుద్రూర్, చందూర్, సాలూరా, మోస్రా, కమ్మర్పల్లి, ఎర్గట్ల, వర్ని, మోపాల్, ధర్పల్లి, ఆలూరు, బాల్కొండ, డొంకేశ్వర్, ముప్కాల్ తదితర మండలాలకు డిప్యూటీ తహసీల్దార్లే ఇన్చార్జి తహసీల్దార్లుగా పనిచేస్తున్నారు. వీరు రెండేళ్లకు ఈ విధుల్లో కొనసాగుతున్నారు. ఎలక్షన్ల టైమ్లో ప్రతీ నియోజకవర్గానికి రిటర్నింగ్ ఆఫీసర్ఉంటారు. అసిస్టెంట్ రిటర్నింగ్ ఆఫీసర్లుగా తహసీల్దార్ కొనసాగుతారు.
ALSO READ :సౌత్ సెంట్రల్ రైల్వే ఐజీ ప్రిన్సిపల్ చీఫ్‌‌‌‌‌‌‌‌‌‌‌‌‌‌‌‌గా ఆరోమా సింగ్
అంతటా ట్రాన్స్ఫర్ల బిజీ..
ఎన్నికలు దగ్గరపడుతున్నందున జిల్లా స్థానికత ఉన్న ఆఫీసర్లను, మూడేళ్లకు మించి ఒక జిల్లాలో పనిచేసిన వారిని కమిషన్ ఆర్డర్స్ ప్రకారం ట్రాన్స్ఫర్ చేస్తున్నారు. ఈ క్రమంలో నిజామాబాద్కు ఇతర జిల్లాల నుంచి కొత్త తహసీల్దార్లు రానున్నారు. కాబట్టి ఎఫ్ఏసీ తహసీల్దార్లను కచ్చితంగా వేరే చోటకు బదిలీ చేస్తారు, లేదంటే ఉన్న చోటే డిప్యూటీతహసీల్దార్లుగా కొనసాగాల్సి ఉంటుంది. ఇక్కడ యూనియన్ లీడర్ కీలక రోల్ పోషిస్తున్నాడు. వీరిని ఎక్కడెక్కడ నియమించాలనే అంశంపై భారీ కసరత్తు నడుస్తోంది. అతడి సిఫార్సులను ఓకే చేయాలని అధికార పార్టీ ముఖ్యనేత జిల్లా అధికారులను ఆదేశించినట్లు తెలుస్తోంది.
గతంలోనూ..
గత నెలలో గుట్టుచప్పుడు కాకుండా ఆరుగురు తహసీల్దార్ల ట్రాన్స్ఫర్ చేశారు. ఈ బదిలీల వెనక సదరు యూనియన్ లీడర్హస్తమున్నట్లు సమాచారం. ముగ్గురు తహసీల్దార్లను కలెక్టరేట్ సూపరింటెండెంట్లుగా బదిలీ చేయించి, ఆ మండలాల్లోనే తహసీల్దార్లుగా డిప్యుటేషన్వేయించారు. కలెక్టరేట్లోని ముగ్గురు సూపరింటెండెట్లను తహసీల్దార్లుగా ట్రాన్స్ఫర్ఆర్డర్లు తీయించి, డిప్యూటేషన్పై కలెక్టరేట్లోనే కొనసాగేలా చేశాడు. ఇప్పుడు డిప్యూటీ తహసీల్దార్ల ట్రాన్స్ఫర్లను ఇదే లీడర్హ్యాండిల్చేస్తున్నాడు. కొందరిని అసిస్టెంట్ఎన్రోల్మెంట్ ఆఫీసర్లుగా రూలింగ్ పార్టీకి అనుకూలంగా వ్యవహరించే చోట నియమిస్తున్నారు.
