హైదరాబాద్, వెలుగు : ఈ నెల 27న కేంద్ర హోంశాఖ మంత్రి అమిత్షా ఉమ్మడి ఖమ్మం జిల్లాలో పర్యటించనున్నారు. గతంలోనే అమిత్ షా ఖమ్మం టూర్ ఖరారైనప్పటికీ.. వివిధ కారణాలతో పోస్ట్పోన్ చేశారు. 27న ఉదయం 10.35 గంటలకు అమిత్షా ఢిల్లీలోని తన నివాసం నుంచి బయలుదేరుతారు. పాలెంలోని ఏఎఫ్ఎస్ టెక్నికల్ ఏరియా నుంచి 11 గంటలకు ప్రత్యేక విమానంలో బయలుదేరి.. మధ్యాహ్నం 1.25 గంటలకు ఏపీలోని గన్నవరం ఎయిర్పోర్టుకు చేరుకుంటారు.
అక్కడి నుంచి హెలికాప్టర్ ద్వారా భద్రాచలం వెళ్తారు. అక్కడ సీతారామచంద్ర స్వామిని దర్శించుకొని ప్రత్యేక పూజలు చేస్తారు. తర్వాత హెలీకాప్టర్లో ఖమ్మం జిల్లా కేంద్రానికి చేరుకుంటారు. మధ్యాహ్నం 3.40 గంటలకు ఖమ్మంలోని ఎస్ఆర్అండ్ బీజీఎన్ఆర్ కాలేజ్గ్రౌండ్లో నిర్వహించే బహిరంగ సభలో పాల్గొని మాట్లాడుతారు. సాయంత్రం 5.50 గంటలకు ఖమ్మం నుంచి హెలికాప్టర్లో విజయవాడకు బయల్దేరుతారు. 6.25 గంటలకు గన్నవరం ఎయిర్ పోర్టు నుంచి ప్రత్యేక విమానంలో ఢిల్లీకి తిరిగి వెళ్లిపోతారు.
