కరీంనగర్: రాష్ట్ర ప్రజలకు కేంద్ర హోంశాఖ సహయ మంత్రి బండి సంజయ్ వినాయక చవితి శుభాకాంక్షలు తెలిపారు. విఘ్నాలన్నీ తొలగి ప్రజలంతా సుఖ సంతోషాలతో జీవించే శక్తిని ప్రసాదించాలని భగవంతుడిని ప్రార్థించారు. వినాయక చతుర్థి సందర్భంగా కరీంనగర్లోని మహాశక్తి ఆలయ ప్రాంగణంలో ప్రతిష్టించిన గణనాథుడిని బండి సంజయ్ ఇవాళ (సెప్టెంబర్ 7) దర్శించుకున్నారు. ఈ సందర్భంగా బండికి ఆలయ అర్చకులు ఘన స్వాగతం పలికారు. అనంతరం గణనాథుడికి బండి సంజయ్ ప్రత్యేక పూజలు నిర్వహించారు. పూజల అనంతరం గణనాథుడితో బండి సంజయ్ సెల్ఫీ దిగారు.
