కేంద్ర మంత్రి భూపతి రాజు శ్రీనివాస వర్మకు పెను ప్రమాదం తప్పింది. పార్లమెంటు నుంచి తన కార్యాలయానికి వెళ్తుండగా తన కారుకు యాక్సిడెంట్ అయ్యింది. ఈ ప్రమాదంలో మంత్రికి గాయాలు అయ్యాయి. తలకు, కాలికి గాయాలు కావడంతో వెంటనే ఆస్పత్రికి తరలించారు.
మంత్రి శ్రీనివాస్ వర్మకు ఆస్పత్రిలో ప్రథమ చికిత్స అందించారు. పెద్ద ప్రమాదం ఏమీ లేకపోవడంతో ఆస్పత్రి నుంచి డిశ్చార్జి అయ్యారు. ఆ తర్వాత విజయవాడకు బయలు దేరారు మంత్రి.
శ్రీనివాస వర్మతో పాటు కారులో ఉన్న సిబ్బందికి స్వల్ప గాయాలు అయ్యాయి. పార్లమెంటు నుంచి తన కార్యాలయానికి వెళ్తుండగా జరిగిన కారు ప్రమాదంలో పెద్దగా ప్రమాదం లేకపోవడంతో సిబ్బంది ఊపరిపీల్చుకున్నారు.
