హైదరాబాద్: టాలీవుడ్ హీరో అల్లు అర్జున్ ఇంటిపై జరిగిన దాడిని కేంద్రమంత్రి కిషన్ రెడ్డి ఖండించారు. ఈ ఘటనపై ఎక్స్ (ట్విట్టర్) వేదికగా రియాక్ట్ అయిన కిషన్ రెడ్డి కాంగ్రెస్ ప్రభుత్వంపై ఫైర్ అయ్యారు. ‘‘నటుడు అల్లు అర్జున్ నివాసంపై జరిగిన రాళ్ల దాడి ఘటన రాష్ట్రంలోని కాంగ్రెస్ ప్రభుత్వ హయాంలో శాంతిభద్రతల వైఫల్యాన్ని ఎత్తి చూపుతోంది. ఈ ఘటన పౌరుల భద్రత, శాంతి భద్రతలను రక్షించడంలో కాంగ్రెస్ అసమర్థ పరిపాలనను ప్రతిబింబిస్తోంది. తెలంగాణలో కాంగ్రెస్ ప్రభుత్వ హయాంలో కళాకారులను, సినీ పరిశ్రమను టార్గెట్ చేయడం ప్రమాదకరమైన ఆనవాయితీగా మారింది’’ అని విమర్శలు గుప్పించారు.
The incident of stone pelting at actor Allu Arjun's residence in Hyderabad highlights the shocking failure of law and order under the Congress government in the state. Incidents reflect the administration's inability to protect & ensure the safety and security of citizens.… pic.twitter.com/xhRMmNs1mj
— G Kishan Reddy (@kishanreddybjp) December 22, 2024
ఈ ఘటన కాంగ్రెస్కు మద్దతుగా జరిగిందా లేక స్పాన్సర్డ్గా జరిగిందా అని నిలదీశారు కిషన్ రెడ్డి. కాగా, 2024, డిసెంబర్ 22న హైదరాబాద్ జూబ్లీహిల్స్లోని అల్లు అర్జున్ నివాసంపై ఓయూ జేఏసీ నేతలు దాడికి దిగిన విషయం తెలిసిందే. సంధ్య థియేటర్ వద్ద జరిగిన తొక్కిసలాటలో మృతి చెందిన రేవతి కుటుంబాన్ని ఆదుకోవాలని అల్లు అర్జున్ ఇంటి ముందు ఆందోళనకు దిగారు. ఈ క్రమంలోనే అల్లు అర్జున్ ఇంటిపై రాళ్లు, టమాటాలు రువ్వి.. ఇంట్లోని పూల కుండీలను ధ్వంసం చేశారు. రంగంలోకి దిగిన పోలీసులు ఆందోళన కారులను అదుపులోకి తీసుకున్నారు.
