- అల్లు అర్జున్ అరెస్ట్ ప్రభుత్వబాధ్యతారాహిత్యానికి నిదర్శనం
- సినీ నటులను కావాలనే టార్గెట్ చేస్తున్నరు : కేంద్ర మంత్రి కిషన్ రెడ్డి
న్యూఢిల్లీ, వెలుగు : సినీ నటుడు అల్లు అర్జున్ అరెస్టు రాష్ట్ర ప్రభుత్వ బాధ్యతారాహిత్యానికి నిదర్శనమని కేంద్ర మంత్రి, బీజేపీ రాష్ట్ర అధ్యక్షుడు కిషన్ రెడ్డి అన్నారు. సర్కార్ నిర్లక్ష్యాన్ని వేరేవాళ్లపై నెట్టాలని చూస్తున్నారని ఆరోపించా రు. శుక్రవారం అల్లు అర్జున్ను అరెస్ట్ చేసిన తర్వాత కిషన్ రెడ్డి ‘ఎక్స్’ వేదికగా స్పందించి.. అరెస్టును ఖండించారు. సంధ్య థియేటర్ నిర్వాహకులు సంబంధిత అధికారులకు ముందుగానే సమాచారం ఇచ్చినప్పటికీ.. అరెస్టు చేయడం ఉద్దేశపూర్వకమేనని అర్థమవుతోందని పేర్కొన్నారు.
Also Read :- అరెస్ట్ అన్యాయం సంబంధం లేని దాంట్లో అల్లు అర్జున్ను అరెస్ట్ చేశారు
‘హీరో హాజరైన థియేటర్ వేదిక వద్ద భద్రత కల్పించాల్సిన బాధ్యత పోలీసులది. కానీ, అది చేయకుండా వ్యక్తిగతంగా టార్గెట్ చేయడం సరికాదు. రాష్ట్రంలో సినీ నటులను ఉద్దేశపూర్వకంగా టార్గెట్ చేస్తున్నారనేది మరోసారి నిరూపితమైంది. ఈ అరెస్టును, పాలకుల అధికార దుర్వినియోగాన్ని తీవ్రంగా ఖండిస్తున్నాను’అని కిషన్ రెడ్డి ట్వీట్ చేశారు.
