- పద్మభూషణ్కు ఎంపికైనందుకు శుభాకాంక్షలు తెలిపిన కేంద్ర మంత్రి కిషన్ రెడ్డి
జూబ్లీహిల్స్, వెలుగు : పద్మభూషణ్ అవార్డుకు ఎంపికైన సినీ హీరో, హిందూపూర్ఎమ్మెల్యే నందమూరి బాలకృష్ణను కేంద్ర మంత్రి జి.కిషన్రెడ్డి కలిసి శుభాకాంక్షలు తెలిపారు. ఆదివారం జూబ్లీహిల్స్లోని బాలకృష్ణ నివాసానికి వెళ్లి మర్యాద పూర్వకంగా కలిశారు. బోకే ఇచ్చి విషెస్ తెలిపారు. ఈ సందర్భంగా కిషన్రెడ్డి మాట్లాడుతూ.. బాలకృష్ణ చిన్న వయస్సులోనే పలు సినిమాల్లో అద్భుతంగా నటించారన్నారు.
దశాబ్దాలుగా నటుడిగా, గత 15 ఏండ్లుగా ప్రజాప్రతినిధిగా, బసవతారకం క్యాన్సర్ ఆస్పత్రి చైర్మన్గా సేవలందిస్తున్నారన్నారు. అన్ని రంగాల్లో విశేషమైన సేవలు అందించిన బాలకృష్ణకు కేంద్ర ప్రభుత్వం పద్మభూషణ్ అవార్డు ప్రకటించడం సంతోషకరమన్నారు. కిషన్రెడ్డితో బీజేపీ రాష్ట్ర ఉపాధ్యక్షుడు చింతల రామచంద్రారెడ్డి, బూర్గుల శ్యామ్ సుందర్ గౌడ్ ఉన్నారు.
