- ఫార్మా ఇండస్ట్రీకి మంత్రి మన్సుఖ్ మాండవీయ పిలుపు
- ఫార్మాలో మనది గ్లోబల్గా మూడో ప్లేస్
- 10 ఏండ్లలో 120 బిలియన్ డాలర్లకు ఎదిగే ఛాన్స్
న్యూఢిల్లీ: వ్యాల్యూ చెయిన్లో పైకి ఎదిగి గ్లోబల్ లీడర్షిప్ సాధించేలా ఇన్నోవేటివ్ప్రొడక్టులు తేవడం కోసం రిసెర్చ్ అండ్ డెవలప్మెంట్పై ఫార్మా ఇండస్ట్రీ ఫోకస్ పెట్టాలని కేంద్ర కెమికల్ అండ్ ఫెర్టిలైజర్ శాఖ మంత్రి మన్సుఖ్ మాండవీయ పిలుపు ఇచ్చారు. గ్లోబల్ మార్కెట్ల కోసం క్రిటికల్ ఎక్విప్మెంట్ తయారీ చేపట్టాల్సిందిగా మెడికల్ టెక్నాలజీ కంపెనీలకు ఆయన సూచించారు. మల్టీ నేషనల్ కంపెనీలతో పోలిస్తే మన కంపెనీలు రీసెర్చ్ అండ్ డెవలప్మెంట్ మీద చాలా తక్కువ ఖర్చు చేస్తున్నాయని మాండవీయ పేర్కొన్నారు.
ఫార్మా–మెడ్టెక్ సెక్టార్లలో రీసెర్చ్ అండ్ డెవలప్మెంట్ కోసం నేషనల్ పాలసీని మంత్రి లాంఛ్ చేశారు. మల్టీ నేషనల్ కంపెనీలు తమ లాభాలలో 20–25 శాతం రీసెర్చ్ అండ్ డెవలప్మెంట్పై వెచ్చిస్తాయని, మన దేశంలోని కంపెనీల సగటు ఈ అంశంలో 10 శాతమేనని మాండవీయ ప్రస్తావించారు. ఫార్మా, మెడ్టెక్ రంగాలలో దేశం తన కాళ్లపై తాను నిలబడాలనేదే ప్రభుత్వ లక్ష్యమని పేర్కొన్నారు.
ఫార్మా, ట్రెడిషినల్ మెడిసిన్స్, ఫైటో ఫార్మాస్యూటికల్స్, మెడికల్ డివైసెస్ రంగాలలో రిసెర్చ్ అండ్ డెవలప్మెంట్ను ప్రమోట్ చేసేందుకే కొత్త పాలసీ తీసుకొచ్చినట్లు వివరించారు. ఈ సందర్భంగా ఫార్మా–మెడ్టెక్ సెక్టార్ల కోసం ఒక కొత్త స్కీము ప్రమోషన్ ఆఫ్ రీసెర్చ్ అండ్ ఇన్నోవేషన్ ఇన్ ఫార్మా మెడ్ టెక్ (పీఆర్ఐపీ) ని కూడా మాండవీయ లాంఛ్ చేశారు. దేశంలో రీసెర్చ్ ఇన్ఫ్రాస్ట్రక్చర్ పటిష్టపరిచేందుకు ఈ కొత్త స్కీము సాయపడుతుంది. పీఆర్ఐపీ స్కీము కోసం బడ్జెట్లో రూ. 5 వేల కోట్లు కేటాయించారు.
వాల్యూమ్పరంగా చూస్తే ఇండియా ఫార్మా ఇండస్ట్రీ 50 బిలియన్ డాలర్ల మార్కెట్సైజుతో గ్లోబల్గా మూడో ప్లేస్లో నిలుస్తోంది. రాబోయే పదేళ్లలో ఈ ఫార్మా ఇండస్ట్రీ 120–130 బిలియన్ డాలర్లకు ఎదగగల సామర్ధ్యం ఉందని అంచనా వేస్తున్నారు.
