కామారెడ్డి, వెలుగు : 20 కోట్ల మందిని సభ్యులుగా చేర్చాలన్నది బీజేపీ లక్ష్యమని కేంద్ర ఆహార శాఖ మంత్రి ప్రహ్లాద్ జోషి అన్నారు. మంగళవారం కామారెడ్డిలో నిర్వహించిన పార్టీ సభ్యత్వ నమోదు, కార్యకర్తల సమావేశంలో పాల్గొని మాట్లాడారు. ఇప్పటికే ఏడు కోట్ల సభ్యత్వ నమోదు పూర్తయ్యిందన్నారు. దేశంలో తెలంగాణ, తెలంగాణలో కామారెడ్డి సభ్యత్వ నమోదులో ఫస్ట్ ఉండాలన్నారు. బూత్కి 200 మందిని చేర్చించాలని దిశానిర్దేశం చేశారు. ప్రతీ బూత్లో పార్లమెంట్ ఎన్నికల్లో వచ్చిన ఓట్ల కంటే ఎక్కువ మంది సభ్యులుండాలన్నారు.
స్వచ్ఛభారత్ పై అవగాహన కోసమే..
స్వచ్ఛ భారత్ ఉద్దేశం లీడర్లు రోడ్లు ఊడ్చటం కాదని , ప్రజలకు అవగాహాన కల్పించటమని కేంద్ర మంత్రి పేర్కొన్నారు. కామారెడ్డి కొత్త బస్టాండ్ వద్ద నిర్వహించిన స్వచ్ఛ భారత్లో చీపురు పట్టి రోడ్డు ఊడ్చారు. ప్రజలు ఎక్కడపడితే అక్కడ చెత్త వేయొద్దన్నారు. గాంధీ జయంతి సందర్భంగా సేవా పక్షోత్సావాలు నిర్వహిస్తున్నామన్నారు.
కామారెడ్డి ఎమ్మెల్యే కాటిపల్లి వెంకటరమణరెడ్డి, జహీరాబాద్ మాజీ ఎంపీ బీబీపాటిల్, పార్టీ జిల్లా ప్రెసిడెంట్అరుణతార, మాజీ మంత్రి నేరెళ్ల ఆంజనేయులు, నాయకులు మురళీధర్గౌడ్, చిన్నరాజులు, రంజిత్మోహన్, కృష్ణారెడ్డి, రాంరెడ్డి, రవీందర్రావు, నరేందర్రెడ్డి, లక్ష్మారెడ్డి, భరత్, లింగారావు, మోటూరి శ్రీకాంత్ తదితరులు పాల్గొన్నారు.
