కామారెడ్డి టౌన్, వెలుగు : కామారెడ్డిలో కేసీఆర్ను ఓడించేది, తెలంగాణకు బీసీని సీఎం చేసేది బీజేపీ పార్టీయేనని కేంద్ర మంత్రి పురుషోత్తం రూపాల పేర్కొన్నారు. బుధవారం కామారెడ్డి బీజేపీ అభ్యర్థి కాటిపల్లి వెంకటరమణారెడ్డి నామినేషన్ ప్రోగ్రామ్కు ఆయన హాజరయ్యారు. నామినేషన్ వేసిన తర్వాత పార్టీ ఆఫీస్లో మీడియాతో మాట్లాడుతూ.. సీఎంతో పాటు మరో పార్టీ స్టేట్ ప్రెసిడెంట్ను ఓడించే అవకాశం బీజేపీకి వచ్చిందన్నారు. మేమెంతో మాకంతా నినాదంతో ఉన్న బీసీలకు బీజేపీతోనే న్యాయం జరుగుతుందన్నారు.
రాష్ట్రంలో నిరుద్యోగులు గోస పడుతున్నారని, వారి గోసకు కారణమైన కేసీఆర్ను కామారెడ్డి గడ్డ మీద ఓడించి తీరుతామన్నారు. సీఎంగా కేసీఆర్ఆ పార్టీ మంత్రులు, ఎమ్మెల్యేలకు సమయం ఇవ్వరన్నారు. కామారెడ్డి ప్రజల మధ్య ఉంటూ వారి సమస్యలు పరిష్కరించే వెంకటరమణారెడ్డిని గెలిపించుకోవాలని పిలుపునిచ్చారు. సబ్కా సాత్, సబ్కా వికాస్, సబ్కా విశ్వాస్ బీజేపీ నినాదమన్నారు. గ్రామాల్లో అభివృద్ధి పనులకు కేంద్ర ప్రభుత్వం ఫండ్స్ ఇచ్చిందన్నారు.
పార్టీ కార్యకర్తలు సైనికుల్లా పని చేయాలని సూచించారు. కాటిపల్లి వెంకట రమణారెడ్డి మాట్లాడుతూ.. దేశంలో ఎవరికి రాని అవకాశం కామారెడ్డి ప్రజలకు వచ్చిందని పేర్కొన్నారు. రెండు పార్టీల ప్రెసిడెంట్లను ఓడించే బీజేపీ బలాన్ని నిరూపించాలన్నారు. అక్కల్కోట ఎమ్మెల్యే కల్యాణ్శెట్టి, పార్టీ వరంగల్ ఇన్చార్జి మురళీధర్గౌడ్, రాష్ట్ర కార్యవర్గ సభ్యుడు నీలం చిన్న రాజు, జిల్లా జనరల్ సెక్రెటరీ తేలు శ్రీనివాస్, ఫ్లోర్లీడర్మోటూరి శ్రీకాంత్, అసెంబ్లీ కన్వీనర్లక్ష్మారెడ్డి తదితరులు పాల్గొన్నారు.
