- ఒమర్ అబ్దుల్లా కామెంట్స్పై రాజ్నాథ్ సింగ్ ఫైర్
- టెర్రరిస్టులపై సానుభూతి చూపుతున్నారని మండిపాటు
- భారత్లో చేరాలని పీవోకే ప్రజలకు పిలుపు
- జమ్మూకాశ్మీర్‌‌లో కేంద్ర మంత్రి ఎన్నికల ప్రచారం
శ్రీనగర్: జమ్ముకాశ్మీర్లో టెర్రరిస్టులపై నేషనల్ కాన్ఫరెన్స్ పార్టీ సానుభూతి చూపుతున్నదని కేంద్ర రక్షణ శాఖ మంత్రి రాజ్నాథ్ సింగ్ మండిపడ్డారు. 2001లో పార్లమెంట్ మీద దాడి చేసిన దోషి అఫ్జల్ గురుకు మరణశిక్ష విధించటం వల్ల ఎలాంటి ప్రయోజనం లేదంటూ ఆ పార్టీ వైస్ ప్రెసిడెంట్ ఒమర్ అబ్దుల్లా ఇటీవల చేసిన కామెంట్స్పై విరుచుకుపడ్డారు. “నేను ఒమర్ అబ్దుల్లాను అడుగుతున్నా.. పార్లమెంట్పై దాడిచేసిన టెర్రరిస్ట్ అఫ్జల్గురును ఉరితీయకుండా.. అతడికి పూలమాలలు వేయాలా?” అని ప్రశ్నించారు. జమ్మూకాశ్మీర్లోని రామ్బన్ నియోజకవర్గంలో బీజేపీ ఆధ్వర్యంలో ఆదివారం నిర్వహించిన అసెంబ్లీ ఎన్నికల ప్రచార ర్యాలీలో రాజ్నాథ్సింగ్ పాల్గొన్నారు.
ఈ సందర్భంగా ఆయన మాట్లాడుతూ.. “ఆర్టికల్ 370 పునరుద్ధరణ గురించి నేషనల్కాన్ఫరెన్స్మాట్లాడుతున్నది. కానీ.. గత ఐదేండ్లలో ఇక్కడ మేం 40వేల ఉద్యోగాలను సృష్టించాం” అని పేర్కొన్నారు. ఒకసారి ఇక్కడ బీజేపీ సర్కారు ఏర్పడితే అభివృద్ధి పరుగులుపెడుతుందని చెప్పారు.
భారత్లో చేరితే సొంత మనుషుల్లా చూస్తాం
పాక్ఆక్రమిత కాశ్మీర్(పీఓకే) ప్రజలు భారత్లో చేరాలని రాజ్నాథ్సింగ్ పిలుపునిచ్చారు. వారిని పాకిస్తాన్ చూసినట్టు విదేశీయుల్లాగా కాకుండా.. సొంత మనుషుల్లాగా చూస్తామని చెప్పారు. ‘‘ఇక్కడ బీజేపీ ప్రభుత్వం ఏర్పడేందుకు జమ్మూకాశ్మీర్ ప్రజలు సహకరిస్తే.. స్థానికంగా మరింత అభివృద్ధి చేస్తాం.
మాకు పాకిస్థాన్‌‌తో కలిసి ఉండడం ఇష్టం లేదు.. భారత్‌‌కు వెళ్తామని పీవోకేలోని ప్రజలు చెప్పేంత డెవలప్మెంట్చేసిచూపిస్తాం” అని స్పష్టం చేశారు. ఆర్టికల్370ని పునరుద్ధరించాలనే నేషనల్కాన్ఫరెన్స్పార్టీ కల.. బీజేపీ ఉన్నంత వరకూ సాధ్యం కాదని తేల్చి చెప్పారు. ఈ ఆర్టికల్రద్దు చేసిన 2019 ఆగస్టు తర్వాత జమ్మూ కాశ్మీర్లో ఎంతో మార్పు వచ్చిందని, ఇక్కడి యువత చేతిలో ఆయుధాలకు బదులు కంప్యూటర్లు, ల్యాప్టాప్లు పట్టుకుంటున్నారని తెలిపారు. ఇప్పుడు శ్రీనగర్లో ప్రజలపై బుల్లెట్లు వదిలేందుకు ఎవరూ సాహసించడం లేదని అన్నారు.
