యూనియన్ పబ్లిక్ సర్వీస్ కమిషన్ వివిధ విభాగాల్లో 1261 మెడికల్ ఆఫీసర్ ఉద్యోగాల భర్తీకి సంబంధించి కంబైన్డ్ మెడికల్ సర్వీసెస్ ఎగ్జామినేషన్-–2023 నోటిఫికేషన్ రిలీజ్ చేసింది. అర్హులైన అభ్యర్థులు ఆన్లైన్లో మే 9లోగా అప్లై చేసుకోవాలి.
పోస్టులు : మెడికల్ ఆఫీసర్ గ్రేడ్ (548), అసిస్టెంట్ డివిజనల్ మెడికల్ ఆఫీసర్(రైల్వే) 300, జనరల్ డ్యూటీ మెడికల్ ఆఫీసర్ (న్యూఢిల్లీ మున్సిపల్ కౌన్సిల్‌):1, జనరల్ డ్యూటీ మెడికల్ ఆఫీసర్ గ్రేడ్-2(ఢిల్లీ మున్సిపల్ కార్పొరేషన్‌): 376 పోస్టులు ఖాళీగా ఉన్నాయి.
అర్హత : ఎంబీబీఎస్‌ ఉత్తీర్ణులై ఉండాలి. వయసు 32 సంవత్సరాలు మించరాదు. రాత పరీక్ష (500 మార్కులు), ఇంటర్వ్యూ/ పర్సనాలిటీ టెస్ట్ (100 మార్కులు), డాక్యుమెంట్ వెరిఫికేషన్, మెడికల్ ఎగ్జామినేషన్ ఆధారంగా ఫైనల్ సెలెక్షన్ ఉంటుంది.
దరఖాస్తులు : అర్హులైన అభ్యర్థులు మే 9 వరకు ఆన్లైన్లో రూ.200(ఎస్సీ, ఎస్టీ, దివ్యాంగులు, మహిళా అభ్యర్థులకు ఫీజు చెల్లింపు నుంచి మినహాయింపు ఉంటుంది) అప్లికేషన్ ఫీజు చెల్లించి దరఖాస్తు చేసుకోవాలి. పూర్తి వివరాలకు www.upsc.gov.in వెబ్సైట్లో సంప్రదించాలి.
