వెలుగు, నెట్వర్క్ : మహాత్మా గాంధీ వర్ధంతి సందర్భంగా గురువారం ఉమ్మడి ఖమ్మం జిల్లా వ్యాప్తంగా ఆయన విగ్రహాలకు, ఫొటోలకు పలువురు పూలమాలలు వేసి నివాళులర్పించారు. ఖమ్మంలో కాంగ్రెస్ జిల్లా అధ్యక్షుడు పువ్వాళ్ల దుర్గాప్రసాద్, మధిరలోని కాంగ్రెస్ మండల అధ్యక్షుడు సూరంశెట్టి కిషోర్, కామేపల్లిలో కాంగ్రెస్ మండల వర్కింగ్ ప్రెసిడెంట్ దమ్మాలపాటి సత్యనారాయణతోపాటు ఆయా చోట్ల పలువురు నాయకులు మాట్లాడారు. అహింస, సత్యాగ్రహం అనే ఆయుధాలతో స్వాతంత్య్ర సంగ్రామాన్ని ముందుకు నడిపించిన మహాత్ముడి ఆశయ సాధనకు ప్రతి ఒక్కరూ కృషి చేయాలన్నారు.
