హైదరాబాద్, వెలుగు: పొట్టి శ్రీరాములు తెలుగు విశ్వవిద్యాలయం పీజీ, యూజీ, పీజీ డిప్లొమా, సర్టిఫికేట్ ప్రోగ్రామ్లలో ప్రవేశాల కోసం అభ్యర్థుల నుంచి దరఖాస్తులను ఆహ్వానిస్తుంది. 2024 ఏడాదికి గాను శిల్పం-– చిత్రలేఖనం, డిజైన్, సంగీతం, రంగస్థలం, నృత్యం, జానపదం, తెలుగు, చరిత్ర–-పర్యాటకం, భాషాశాస్త్రం, జర్నలిజం, జ్యోతిష్యం, యోగా సబ్జెక్టుల్లో దరఖాస్తులను ఆహ్వానిస్తున్నట్టు తెలిపింది.
అభ్యర్థులు www.teluguuniversity.ac.in ,www.pstucet.org వెబ్ సైట్ ద్వారా అప్లై చేసుకోవాలని సూచించింది. పూర్తి చేసిన అప్లికేషన్లను ఆగస్టు 9 లోపు విశ్వవిద్యాలయంలో సమర్పించాలని, పెనాల్టీతో ఆగస్టు19 వరకు సమర్పించవచ్చని యూనివర్సిటీ రిజిస్ట్రార్ భట్టు రమేష్ ఒక ప్రకటనలో పేర్కొన్నారు.
