ఘట్ కేసర్, వెలుగు: ఇంటి ముందు పార్కు చేసిన మినీ వ్యాన్ను గుర్తు తెలియని దుండగులు ఎత్తుకెళ్లారు. ఘట్ కేసర్ పోలీస్ స్టేషన్ పరిధిలో ఈ ఘటన జరిగింది. అడిషనల్ ఇన్ స్పెక్టర్ శ్రీనివాస్ తెలిపిన ప్రకారం.. ఘట్ కేసర్ టౌన్ బాలాజీ నగర్కు చెందిన నీరుకొండ భాస్కర్ వద్ద విశ్వరూపం అనే వ్యక్తి డ్రైవర్గా పని చేస్తున్నాడు. ఈ నెల 5న రాత్రి భాస్కర్ ఇంటి వద్ద మినీ వ్యాన్ పార్క్ చేసి డ్రైవర్ తన ఇంటికి వెళ్లిపోయాడు.
ఉదయం వచ్చి చూసేసరికి వ్యాన్ కనిపించలేదు. దీంతో చుట్టుపక్కల వెతికినా ఫలితం లేకపోవడంతో ఆదివారం ఘట్ కేసర్ పోలీసులను ఆశ్రయించి ఫిర్యాదు చేశాడు. బాధితుడి ఫిర్యాదు మేరకు కేసు నమోదు చేసి దర్యాప్తు చేస్తున్నట్లు పోలీసులు తెలిపారు.
