హుజురాబాద్ బస్టాండ్ ఆవరణలో గుర్తుతెలియని మహిళ మృతదేహం లభించింది. ఆమె వయసు 45 నుండి 50 సంవత్సరాల మధ్య ఉండొచ్చని తెలుస్తుంది. ఆమె మృతదేహం పక్కనే ఒక బస్ టికెట్ లభించింది. ఆ టికెట్ ద్వారా ఆమె కరీంనగర్ నుండి చిగురుమామిడికి ప్రయాణించినట్లు తెలుస్తోంది. అంతేకాకుండా.. ఆమె మృతదేహం పక్కనే ఓ క్రిమిసంహార మందు డబ్బాను పోలీసులు గుర్తించారు. దాంతో ఆమె ఆ విషం తాగి చనిపోయినట్లు పోలీసులు అనుమానం వ్యక్తం చేస్తున్నారు. అనుమానాస్పద మృతిగా కేసు నమోదు చేసిన పోలీసులు.. పోస్టుమార్టం నిమిత్తం మృతదేహాన్ని హుజురాబాద్ ఏరియా హాస్పిటల్ మార్చురీకి తరలించారు.
