- ఏడాది కింద ఓపెన్ చేసి వదిలేసిన సింగరేణి అధికారులు
- నిరుపయోగంగా మెడికల్ డయాగ్నసిస్ బిల్డింగ్
భద్రాద్రికొత్తగూడెం, వెలుగు : కొత్తగూడెంలోని సింగరేణి మెయిన్ హాస్పిటల్లో రూ.కోటి పెట్టి నిర్మించిన డయాగ్నసిస్ బిల్డింగ్, కాన్ఫరెన్స్ హాళ్లను అధికారులు ఖాళీగా ఉంచారు. ప్రారంభించి ఏడాదవుతున్నా వాడుకోవడం లేదు. కారుణ్య నియామకాల్లో భాగంగా ఇక్కడ మెడికల్ బోర్డు ఇంటర్వ్యూలు నిర్వహించడం లేదు. ఎలాంటి మెడికల్టెస్టులు చేయడం లేదు. ఉమ్మడి ఖమ్మం, వరంగల్, కరీంనగర్, ఆదిలాబాద్ జిల్లాల్లోని కోల్ బెల్ట్ ఏరియాల కార్మికులు, వారి వారసులు మెడికల్బోర్డు ఇంటర్వ్యూల కోసం కొత్తగూడెం మెయిన్హాస్పిటల్కు రావాలి. ప్రతి నెలలో120 నుంచి 200 మంది వరకు ఇక్కడికి వస్తుంటారు.
ఒక్కోసారి నెలలో రెండుసార్లు కూడా ఇంటర్వ్యూలు పెడుతుంటారు. మెడికల్ బోర్డు ఇంటర్వ్యూల టైంలో మెయిన్ హాస్పిటల్ లోకి ఇతరులను ఎక్కువగా అనుమతించరు. ఈ క్రమంలో సాధారణ పేషెంట్లకు ఇబ్బందులు ఎదురవుతున్నాయని, హాస్పిటల్ఆవరణలోనే కోటి రూపాయలతో డయాగ్నసిస్ బిల్డింగ్ నిర్మించారు. అందులో ప్రత్యేకంగా రూమ్స్, కాన్ఫరెన్స్హాళ్లు కట్టారు.
ముఖ్యమైన రూమ్స్కు ఏసీలు బిగించి, అన్నిరకాల సౌకర్యాలు కల్పించారు. గతేడాది సింగరేణి డైరెక్టర్ఎస్. చంద్రశేఖర్ ప్రారంభించగా, అప్పటి నుంచి ఖాళీగానే పెట్టారు. నేటికీ మెడికల్ టెస్టులు, ఇంటర్వ్యూలను మెయిన్హాస్పిటల్లోని షెడ్డులోనే నిర్వహిస్తున్నారు. అందుబాటులో ఉన్న బిల్డింగ్ను వాడుకోకుండా, పాత పద్ధతినే కొనసాగించడంపై కార్మికులు అసహనం వ్యక్తం చేస్తున్నారు.
