- 50 బెడ్లతో పాటు అన్ని వసతులతో వైద్యమందిస్తున్న యూపీహెచ్సీ
- అందుబాటులో అన్ని విభాగాల డాక్టర్లు
- రోజూ సగటున 600 ఓపీ, 100 టెస్టులు
- రద్దీ దృష్ట్యా 100 బెడ్లకు పెంచాలని డిమాండ్
పంజాగుట్ట, వెలుగు: సాధారణంగా సర్కారు దవాఖాన అనగానే కొంతమందికి నెగటివ్ ఫీలింగ్ఉంటుంది. డాక్టర్లు ఉండరని, ఉంటే సమయానికి రారని, వచ్చినా ఏదో నామ్ కే వాస్తే చూసి పంపిస్తారని అనుకుంటూ ఉంటారు. కానీ, అమీర్పేట్ అర్బన్కమ్యూనిటీ హెల్త్సెంటర్మాత్రం ఇందుకు భిన్నం. ఈ యూసీహెచ్సీ పేదోళ్ల కార్పొరేట్ హాస్పిటల్గా పేరు పొందింది. 2021లో ఏర్పాటు చేసిన ఈ హాస్పిటల్50 బెడ్స్తో పాటు మిగతా అన్ని సౌకర్యాలు ఉండడంతో ట్రీట్మెంట్కోసం వచ్చే రోగుల సంఖ్య రోజు రోజుకూ పెరుగుతోంది.
ప్రైవేటు హాస్పిటల్కు వెళ్తే రూ.లక్షలు ఖర్చు చేయాల్సి వస్తుండడంతో.. అమీర్పేట్ చుట్టుపక్కల ఉన్నవారితోపాటు, దూర ప్రాంతాల నుంచి కూడా రోగులు ఇక్కడికే తరలివస్తున్నారు. దీంతో రోజుకు దాదాపు 600 దాకా ఓపీ నమోదవుతుంది. వీరిలో గర్భిణులకు సంబంధించి 200 ఓపీ నమోదవుతుండగా, పీడియాట్రిక్, జనరల్మెడిసిన్, జనరల్ సర్జన్, స్కిన్ తదితర డిపార్టుమెంట్లకు సగటున రోజూ వందకు పైగా ఓపీ నమోదవుతుంది.
వంద బెడ్లకు సరిపోయే డాక్టర్లు
అమీర్పేట్యూసీహెచ్సీ 50 బెడ్లతో రన్అవుతున్నప్పటికీ.. ప్రస్తుతం 100 బెడ్లకు సరిపోయేంత మంది డాక్టర్లు ఉన్నారు. నలుగురు గైనకాలజీ -డాక్టర్లు, ఇద్దరు సర్జన్లు, ముగ్గురు ఫిజీషియన్లు, నలుగురు అనష్తీషియా(మత్తు) డాక్టర్లు, ముగ్గురు పిల్లల డాక్టర్లు, ఒక స్కిన్స్పెషలిస్ట్, ఒక ఈఎన్టీ డాక్టర్ఉన్నారు. వీరితో పాటు పీజీలు కూడా సేవలందిస్తున్నారు. నెలకు 200 డెలివరీలు చేస్తుండగా, ఇందులో 40 సీజేరియన్లు ఉంటున్నాయి.
ఇంతమంది స్పెషలిస్టులు ఉండడంతో కూకట్పల్లి, యూసుఫ్గూడ, రహ్మత్నగర్, కార్మికనగర్, బంజారాహిల్స్లోని స్లమ్ఏరియా, ఫతేనగర్, బేగంపేట నుంచి కూడా రోగులు వస్తున్నారని సూపరింటెండెంట్డాక్టర్రవూఫ్, ఆర్ఎంవో వినాయక్ చెప్పారు. ప్రస్తుతం హాస్పిటల్లో రేడియాలజిస్టు, ఆప్తమాలజిస్ట్ కొరత ఉందని, వారు కూడా ఉంటే రోగుల సంఖ్య వెయ్యి దాటినా ఆశ్చర్యపోనక్కరలేదని తెలిపారు.
రోజూ వంద శాంపిల్స్
ఇక్కడికి వచ్చే రోగుల కోసం రక్త , మూత్ర పరీక్షలు చేయడంతో పాటు ఎక్స్-రే, ఆల్ట్రా సౌండ్, ఈసీజీ వంటి పరీక్షలు కూడా చేస్తున్నారు. రోజూ దాదాపు 100 శాంపిల్స్ సేకరిస్తున్నారు. షుగర్, హిమోగ్లోబిన్లాంటి టెస్టులను హాస్పిటల్లోనే చేస్తుండగా, మిగతా రక్త, మూత్రశాంపిల్స్ను నారాయణ గూడలోని (ఐపీఎం)కు పంపిస్తున్నారు.
అయితే, ట్రాన్స్పోర్ట్ కారణంగా ఒక్కోసారి రక్తం గడ్డ కట్టి పోతోందని, దీనివల్ల బ్లడ్ శాంపిల్స్రిపీటెడ్గా తీసుకోవాల్సి వస్తోందని సూపరింటెండెంట్చెప్పారు. అన్ని సౌకర్యాలున్నప్పటికీ, అవసరమైన కొన్ని పరికరాలు లేకపోవడంతో నారాయణగూడకు పంపుతున్నామని తెలిపారు.
100 పడకల విస్తరణకు ప్రతిపాదనలు
వైద్య విధాన పరిషత్ ఆధీనంలో నిర్వహిస్తున్న ఈ హాస్పిటల్ ప్రస్తుతం 50 పడకలతో నడుస్తుంది. దీని ప్రారంభ సమయంలోనే100 బెడ్లకు అప్గ్రేడ్ చేయాలని నిర్ణయించారు. ఈమేరకు ప్రతిపాదనలు కూడా కమిషనర్కు పంపించారు. ప్రస్తుతం ఆ ఫైల్పెండింగ్ లో ఉంది.
రోగుల తాకిడి పెరుగుతుండడంతో ఈ హాస్పిటల్ ను100 బెడ్లకు అప్గ్రేడ్ చేయాలనే డిమాండ్స్ నుంచి వినిపిస్తోంది. రద్దీకి అనుగుణంగా 100 బెడ్లకు పెంచాలని పలువురు రోగులు డిమాండ్ చేస్తున్నారు.
