ఎల్బీనగర్, వెలుగు: మేడ్చల్– మల్కాజిగిరి జిల్లా బ్యాడ్మింటన్ అసోసియేషన్ అధ్యక్షుడిగా పీసీసీ ప్రచార కమిటీ రాష్ట్ర కో కన్వీనర్ ఉప్పల శ్రీనివాస్ గుప్తాను నియమించినట్లు స్టేట్ బ్యాడ్మింటన్ అసోసియేషన్ సోమవారం ఓ ప్రకటనలో తెలిపింది. పునటి శ్రీకాంత్, నరేందర్ స్వామిని వైస్ ప్రెసిడెంట్, ప్రధాన కార్యదర్శిగా ప్రభాకర్ భాస్కర్ను, జాయింట్ సెక్రటరీలుగా పిల్లలమర్రి రమేశ్, నాగరాజు, కోశాధికారిగా హర్షయాదవ్ ను నియమించింది. ఈ సందర్భంగా శ్రీనివాస్ గుప్తా మాట్లాడుతూ.. తనకు ఈ అవకాశం కల్పించిన తెలంగాణ బ్యాడ్మింటన్ అసోసియేషన్ రాష్ట్ర ప్రధాన కార్యదర్శి పుల్లెల గోపీచంద్ కు, బ్యాడ్మింటన్ అసోసియేషన్ సభ్యులకు కృతజ్ఞతలు తెలిపారు.
