నిజామాబాద్అర్బన్, వెలుగు: రాష్ట్రంలో బీజేపీ ప్రభుత్వం ఏర్పడగానే అధికార పార్టీ లీడర్లు కబ్జాలు చేసిన ప్రభుత్వ భూములను తిరిగి స్వాధీనం చేసుకొని పేదలకు పంచుతామని అర్బన్ బీజేపీ అభ్యర్థి ధన్పాల్ సూర్యనారాయణ పేర్కొన్నారు. గురువారం నగరంలోని 10వ డివిజన్లో ఇంటింటా ప్రచారం నిర్వహించారు. ధన్ పాల్ మాట్లాడుతూ.. ఎమ్మెల్యే బిగాలతో పాటు అధికార పార్టీ లీడర్లు నగరంలోని కోట్ల రూపాయల విలువైన ప్రభుత్వ భూములను చెరబట్టారని, ప్రశ్నించిన వారిపై దాడులకు పాల్పడుతూ దౌర్జన్యాలు చేశారని విమర్శించారు.
నాగారంలో నిర్మించిన వందలాది డబుల్బెడ్రూమ్ ఇండ్లను ఇంత వరకు పంచలేదని, ఇప్పుడు ఎన్నికలు రావడంతో పేదలకు ఇండ్లిస్తామని మాయమాటలు చెప్తున్నారన్నారు. తమ ప్రభుత్వం ఏర్పడగానే పేదలకు పక్కా ఇండ్లు నిర్మిస్తామని, ఎలాంటి అక్రమాలు, అవకతవకలు లేని పారదర్శకమైన పాలన అందిస్తామని భరోసా ఇచ్చారు.
ALSO READ: కాంగ్రెస్ వైపు ప్రజలు.. కమీషన్ల వైపు కేసీఆర్ : జీ. వివేక్ వెంకటస్వామి
