- అర్బన్ ఎమ్మెల్యే ధన్పాల్ సూర్యనారాయణ
నిజామాబాద్, వెలుగు : హిందూ జాతినుద్దేశించి పార్లమెంట్లో కాంగ్రెస్ అగ్రనేత రాహుల్ గాంధీ కామెంట్స్ తీవ్ర అభ్యంతరకమైనవని అర్బన్ ఎమ్మెల్యే ధన్పాల్ సూర్యనారాయణ అన్నారు. హింసకు పాల్పడతారని అసత్యం, ద్వేషం రెచ్చగొడతారని ఆయన చేసిన వ్యాఖ్యలు దారుణమన్నారు. మంగళవారం ఆయన మీడియాకు ప్రకటన రిలీజ్ చేశారు. పదేండ్లు ప్రతిపక్ష హోదా లేక మొన్నటి ఎన్నికల్లో వంద సీట్లు గెలవని రాహుల్ మతిలేని మాటలు మాట్లాడుతున్నారని విమర్శించారు.
హిందువుల ఏండ్ల కల నెరవేరి అయోధ్యలో రామమందిర పున:ప్రతిష్టాపన ప్రొగ్రాం జరగ్గా.. దానికి ఆయన అటెండ్ కాలేదన్నారు. ఆఫ్ఘనిస్తాన్లోని బాబా సమాధి చూడడానికి మాత్రం సమయం తీసుకొని వెళ్లారన్నారు. సీఎం రేవంత్రెడ్డి కూడా ఓ వర్గం ఓట్ల కోసం చెప్పలేని ప్రేమ ఒలకబోస్తున్నారని ఆరోపించారు. సెంట్రల్ గవర్నమెంట్ నిషేధించిన జమాతె ఇస్లామీ సంస్థ వికారాబాద్లో ఏర్పాటు చేసిన ప్రోగ్రాంకు రూ.2 కోట్ల నిధులు ఇవ్వడమేమిటని ప్రశ్నించారు.
దేశ విచ్చినాన్ని కాంగ్రెస్ కోరుకుంటోందని బీజేపీ పార్టీ కార్యకర్తలతో భూమాతను కాపాడుకుంటామన్నారు. పార్లమెంట్లో రాహుల్ హిందువులను ఉద్దేశించి చేసిన కామెంట్, ఎంఐఎం అధినేత అసదుద్దీన్ ఓవైసీ పార్లమెంట్లో జై పాలస్తీనా అనడాన్ని దేశ ప్రజలు గమనిస్తున్నారని ఆయన అన్నారు.
