న్యూయార్క్: అమెరికాకు అక్రమంగా వలస వచ్చి అమెరికన్లనే చంపుతున్న వలసదారులను తిరిగి పంపించటం కాదు.. కాల్చి చంపేయాలి అంటూ అమెరికా కాంగ్రెస్ సభ్యురాలు వాలెంటినా గోమెజ్ ‘ఎక్స్’లో పోస్ట్ చేసిన వీడియో వైరల్గా మారింది. కొలంబియన్ అమెరికన్ అయిన గోమెజ్ రిపబ్లికన్ పార్టీ సభ్యురాలు.. ట్రంప్కు బలమైన మద్దతుదారు. ఓ కుర్చీలో మనిషి బొమ్మను పెట్టి తుపాకీతో తలపై షూట్చేస్తున్న వీడియోకు.. అక్రమ వలసదారులకు ఇదే తగిన శిక్ష అనే క్యాప్షన్ పెట్టారు. సంచలనంగా సృష్టించిన ఈ వీడియోపై తీవ్ర విమర్శలు వస్తున్నాయి.
“అమెరికన్లపై హత్యలు, అత్యాచారాలు వంటి చట్టవిరుద్ధమైన పనులకు పాల్పడే వారిని బహిరంగంగా ఉరి తీయాలి. వారిని దేశం నంచి పంపించడం కాదు.. ఇలా షూట్చేసి చంపాలి’’ అని గోమెజ్ వీడియోలో మాట్లాడారు. అయితే ఈ వీడియో రూల్స్కు విరుద్ధంగా, హింసను ప్రేరేపించేలా ఉందంటూ ‘ఎక్స్’ ఆమె వీడియోను తొలగించింది. అలాగే ఆమెకు జరిమానా కూడా విధించింది.
