సోషల్ మీడియాలో ఫేమస్ అవ్వడానికి కొందరు వెర్రివేషాలు వేస్తున్నారు. ఫేమ్ కోసం ఎలాంటి పనులు చేయడానికైనా వెనకాడటం లేదు. సోషల్ మీడియా స్టార్ డమ్ కోసం తిక్క తిక్క పనులు చేస్తూ విమర్శల పాలువుతున్నారు. ఇలా సోషల్ మీడియాలో గుర్తింపు కోసం చేసే పిచ్చి పనులు వల్ల కొందరు ప్రాణాల మీదకు తెచ్చుకుండగా.. మరి కొందరు వివాదాల్లో చిక్కుకుంటున్నారు. తాజాగా.. సోషల్ మీడియాలో ఇలాంటి వీడియోనే ఒకటి వైరల్ అవుతోంది. పసి పిల్లాడితో ఓ వ్యక్తి కారు శుభ్రం చేస్తోన్న వీడియో నెట్టింట్లో వైరల్‌గా మారింది. ఈ వీడియో చూసిన సదరు నెటిజన్లు ఆ వ్యక్తిపై మండిపడుతున్నారు.
వీడియో ప్రకారం.. అమెరికాలోని పోర్ట్ ఆర్థర్కు చెందిన 25 ఏళ్ల యువ‌కుడు తన ఇంటి ముందు పార్క్ చేసిన కారుపై భారీగా మంచు కురిసింది. కారుపై పడిన మంచును తొలగించేందుకు అతడి చేసిన పనే నెటిజన్లకు కోపం తెచ్చింది. కారు బ్యానెట్పై పేరుకు పోయిన మంచును మూడు నెలల పసిపిల్లాడిని డస్టర్ మాదిరిగా దొర్లిస్తూ క్లీన్ చేశాడు.
ALSO READ | అమెరికా విమాన ప్రమాదం.. 67 మందిలో ఒక్కరు కూడా ప్రాణాలతో మిగల్లేదు..!
అనంతరం ఈ వీడియోను సోషల్ మీడియాలో పోస్ట్ చేశాడు. కొంచెం కూడా కనికరం లేకుండా పసి పిల్లాడితో కారును క్లీన్ చేస్తున్న ఈ వీడియో సోషల్ మీడియాలో వైరల్‌గా మారింది. ఈ దృశ్యం చూసిన నెటిజన్లు కామెంట్లతో విరుచుకుపడుతున్నారు. ‘‘వీడి వెర్రి తగలేయ్యా.. డస్టర్ అనుకుంటున్నావా.. పిలగాడు అనుకుంటున్నావా’’ అని కొందరు.. ‘‘మానవత్వం లేని మృగం’’ అని ఇంకొందరు.. ‘‘వీడిని వెంటనే బొక్కలో వేయండి’’ అని మరి కొందరు కామెంట్లు చేస్తున్నారు.
సోషల్ మీడియాలో వైరల్ గా మారిన ఈ వీడియో పోలీసులు, చైల్డ్ వైల్ఫేర్ అధికారుల వద్దకు చేరుకుంది. సోషల్ మీడియా ఫేమ్ కోసం పసి పిల్లాడి ప్రాణాలతో చెలగాటమాడిన ఆ వ్యక్తిపై పోలీసులు పలు సెక్షన్ల కింద కేసు నమోదు చేసి కటకటాల్లోకి నెట్టారు. ఇది చూసిన నెటిజన్లు ‘దూల తీరింది వెదవకి’’ అంటూ కామెంట్స్ చేస్తున్నారు.
Texas police are investigating after a man used a 3-month-old baby to wipe snow off the windshield of his car in a viral TikTok stunt. pic.twitter.com/SpgtWuM2QW
— TaraBull (@TaraBull808) January 29, 2025
