భారత్ కు చెందిన 14 వందల దొంగలించబడ్డ పురాతన శిల్పాలను అమెరికా తిరిగిచ్చింది. వీటి విలువ సుమారు 10 మిలియన్ డాలర్లకు పైనే ఉంటుందని తెలుస్తోంది. వీటిలో 1980లో మధ్యప్రదేశ్ లోని ఓ గుడిలో నుండి దింగలించిన ఖగోళ నర్తకి ఇసుక రాతి శిల్పం వంటి అరుదైన కళాకృతులు ఉన్నట్లు తెలుస్తోంది. స్మగ్లింగ్ కు అనుకూలంగా ఉండటం కోసం దుండగులు దుండగులు ఈ శిల్పాన్ని రెండుగా విడగొట్టారని తెలుస్తోంది. ఈ శిల్పాన్ని మళ్ళీ ప్రొఫెషనల్స్ చేత అతికించి.. కపూర్ క్లయింట్‌లలో ఒకరు మెట్రోపాలిటన్ మ్యూజియం ఆఫ్ ఆర్ట్‌కి విరాళంగా ఇచ్చారని సమాచారం.
మ్యూజియం ఆఫ్ ఆర్ట్ లో ప్రదర్శనకు ఉన్న ఈ సెలెస్టియల్ డ్యాన్సర్ శిల్పాన్ని 2023లో ఆర్ట్ థెఫ్ట్ యూనిట్ స్వాధీనం చేసుకుంది. దొంగలించబడ్డ పురాతన శిల్పాలను భారత్ కు తిరిగి అప్పగించటం చరిత్రలో ఒక మైలు రాయి అని పేర్కొంది హెచ్ఎస్ఐ న్యూయార్క్. ఇండియాలో ఉన్న తమ అనుబంధ సంస్థలతో కలిసి ఈ స్మగ్లింగ్ నెట్వర్క్ ను ఛేదించామని తెలిపింది హెచ్ఎస్ఐ న్యూయార్క్.
