హైదరాబాద్, వెలుగు: రాష్ట్రంలో వచ్చేనెల 27న జరగబోయే టీచర్ ఎమ్మెల్సీ ఎన్నికల్లో యూటీఎఫ్, టీపీటీఎఫ్ సంయుక్తంగా పోటీ చేయాలని నిర్ణయించాయి. వరంగల్ సెగ్మెంట్ లో యూటీఎఫ్ తరఫున సిట్టింగ్ ఎమ్మెల్సీ అలుగుబెల్లి నర్సిరెడ్డి, కరీంనగర్ సెగ్మెంట్ నుంచి టీపీటీఎఫ్ రాష్ట్ర మాజీ అధ్యక్షుడు అశోక్ కుమార్ పోటీ చేయనున్నట్టు ఆయా సంఘాల నేతలు ప్రకటించారు.
ఈ మేరకు బుధవారం హైదరాబాద్ లోని యూటీఎఫ్ స్టేట్ ఆఫీసులో ఆ సంఘం రాష్ట్ర అధ్యక్షుడు చావ రవి, టీపీటీఎఫ్ రాష్ట్ర అధ్యక్షుడు అనిల్ కుమార్ మాట్లాడారు. రాష్ట్రంలో రెండు సెగ్మెంట్లలో ఎన్నికలు ఉండటంలో, చెరో చోట పోటీ చేస్తున్నట్టు తెలిపారు. పోటీలో ఉన్న ఇద్దరు నేతలు 30 ఏండ్లకు పైగా ఉపాధ్యాయ ఉద్యమంలో పనిచేశారని గుర్తుచేశారు.
