భారత అంతరిక్ష పరిశోధన సంస్థ(ఇస్రో) కొత్త చైర్మన్గా వి.నారాయణన్ నియమితులయ్యారు. ప్రస్తుత చైర్మన్ ఎస్.సోమనాథ్ పదవీకాలం 2025, జనవరి 13తో ముగియనున్నది. జనవరి 14న నారాయణన్ చైర్మన్ గా బాధ్యతలు స్వీకరించనున్నారు. రెండేండ్లపాటు పదవిలో కొనసాగుతారు.
తమిళనాడులోని కన్యాకుమారిలో వి.నారాయణన్ జన్మించారు. ఐఐటీ ఖరగ్పూర్లో క్రయోజెనిక్ ఇంజినీరింగ్లో మొదటి ర్యాంకుతో ఎంటెక్ పూర్తిచేశారు. 2001లో ఏరోస్పేస్ ఇంజినీరింగ్లో పి.హెచ్.డి. పూర్తిచేశారు. 1984లో ఇస్రోలో చేరారు. ప్రాజెక్టు మేనేజ్మెంట్ కౌన్సిల్ స్పేస్ ట్రాన్స్పోర్టేషన్ చైర్మన్ గా, చంద్రుడిపై మనిషిని తీసుకెళ్లే స్పేస్ ఫ్లైట్ మిషన్ నేషనల్ లెవల్ హ్యూమన్రేటెడ్ సర్టిఫైడ్ బోర్డ్ ఫర్ గగన్యాన్ చైర్మన్ గా బాధ్యతలు నిర్వర్తించారు. నారాయణన్ ప్రస్తుతం అంతరిక్షంలోకి శాటిలైట్లను తీసుకెళ్లేందుకు ఉపయోగించే లిక్విడ్ ప్రొపల్షన్ సిస్టమ్ సెంటర్ డైరెక్టర్ గా ఉన్నారు.
శాటిలైట్ లాంచ్ వెహికల్స్, అందులో ఉపయోగించే కెమికల్స్, ఎలక్ట్రిక్ ప్రొపల్షన్ సిస్టమ్స్ఫర్ శాటిలైట్, లాంచ్ వెహికల్ కంట్రోల్ సిస్టమ్స్, లిక్విడ్, సెమీ క్రయోజనిక్ ప్రొపల్షన్దశలను ఆయనే పర్యవేక్షిస్తుంటారు. ఆదిత్య ఎల్–1, చంద్రయాన్–2, 3లోని చోదక వ్యవస్థల అభివృద్ధి ఆయన కృషిచేశారు. జిఎస్ఎల్వీ ఎంకే–2, 3 వాహకనౌకల రూపకల్పనలో కీలక భూమికను పోషించారు.
