న్యూఢిల్లీ: దేశవ్యాప్తంగా1,316 ఐఏఎస్, 586 ఐపీఎస్ పోస్టులు ఖాళీగా ఉన్నాయి. గురువారం కేంద్ర మంత్రి జితేంద్ర సింగ్ రాజ్యసభకు లిఖిత పూర్వకంగా ఈ విషయాన్ని వెల్లడించారు. 2024, జనవరి 1 నాటికి 6,858 ఐఏఎస్ శాంక్షన్డ్ పోస్టులు ఉండగా, 5,542 మంది విధుల్లో ఉన్నారని ఆయన తెలిపారు.1,316 ఐఏఎస్ పోస్టులు ఖాళీగాఉన్నాయన్నారు. వీటిలో 794 డైరెక్ట్ రిక్రూట్మెంట్, 522 ప్రమోషన్ పోస్టులు ఉన్నాయన్నారు. ఐపీఎస్ శాంక్షన్డ్ పోస్టులు 5,055 కాగా , 586 పోస్టులు ఖాళీగా ఉన్నాయని వెల్లడించారు. వీటిలో 209 డైరెక్ట్ రిక్రూట్మెంట్, 377 ప్రమోషన్ పోస్టులు ఉన్నాయన్నారు. అలాగే 1,042 ఐఎఫ్ఎస్ పోస్టులు ఖాళీగా ఉన్నాయని పేర్కొన్నారు.
