- స్కూళ్లు, కాలేజీలకు వెళ్లి.. టీనేజర్స్కు వ్యాక్సిన్
- స్టూడెంట్స్ ఇంట్రెస్ట్ చూపకపోవడంతో మెడికల్ సిబ్బంది చొరవ
పద్మారావునగర్, వెలుగు: కొవిడ్ వ్యాక్సిన్ వేసుకునేందుకు టీనేజర్స్ నుంచి స్పందన లేకపోతుండగా మెడికల్ సిబ్బంది స్కూళ్లు, కాలేజీలకు వెళ్లి వేస్తున్నారు. కేంద్రప్రభుత్వం ఈనెల 3 వ తేదీ నుంచి 15-–18 ఏండ్ల మధ్య వయసు వారికి వ్యాక్సిన్ వేయాలని ఆదేశించింది. అయితే టీనేజర్స్ వేసుకునేందుకు ఆసక్తి చూపడం లేదు. దీంతో సిటీలోని పలు అర్బన్హెల్త్ సెంటర్ల మెడికల్సిబ్బంది తమ పరిధిలోని స్కూళ్లు, కాలేజీలకు వెళ్లి స్టూడెంట్స్కు వ్యాక్సిన్ ఇస్తున్నారు. స్పందన లేకపోతుండగా ఆన్లైన్ స్లాట్ లేకున్నా వివరాలు నమోదు చేసుకొని వ్యాక్సిన్ వేస్తున్నట్లు ఐడీహెచ్కాలనీలోని గాంధీ అర్బన్ ప్రైమరీ హెల్త్ సెంటర్ మెడికల్ఆఫీసర్ డాక్టర్కిరణ్ తెలిపారు. రోజురోజుకూ కొవిడ్ కేసులు పెరుగుతుండగా యువత నిర్లక్ష్యంగా ఉండకుండా వెంటనే టీకాలు వేసుకోవాలని కోరారు. గాంధీ అర్బన్ హెల్త్ సబ్సెంటర్ మెడికల్ సిబ్బంది పద్మారావునగర్ లోని శ్రీసాయి విజ్ఞాన్భారతి జూనియర్ కాలేజీకి వెళ్లి 150 మంది స్టూడెంట్స్కు వ్యాక్సిన్ వేశారు. బోయిగూడలోని సెయింట్ ఫిలోమినా స్కూల్లో 110 మంది స్టూడెంట్స్కు కూడా వేసినట్టు మెడికల్ ఆఫీసర్ డాక్టర్ ఆశాజ్యోతి గురువారం చెప్పారు.
