- టెక్నికల్ ఇష్యూస్ తో మరో నెల లేటయ్యే చాన్స్
- సికింద్రాబాద్లో పైలట్ ప్రాజెక్ట్ అమలుకు సన్నాహాలు
హైదరాబాద్సిటీ, వెలుగు: తెలంగాణ ఆర్టీఏ డేటాను కేంద్ర ప్రభుత్వ పోర్టల్ వాహన సారథిలోకి అనుసంధానం చేసి.. ఆర్టీఏ సేవలను దేశంలోని ఎక్కడి నుంచైనా ఉపయోగించుకోవాలనుకోగా ఇది మరో నెల ఆలస్యమయ్యేలా ఉంది. జనవరి నుంచి వాహన సారథి పోర్టల్అమల్లోకి వస్తుందని అనుకున్నా టెక్నికల్ఇష్యూస్ తో ఫిబ్రవరిలో తీసుకొస్తామంటున్నారు ఆర్టీఏ అధికారులు. ఇంతకుముందు గత అక్టోబర్లో అమలు చేయాలని అనుకోగా, ఇలాగే టెక్నికల్ ప్రాబ్లమ్స్ తో వాయిదా పడింది.
ఏంటీ వాహన సారథి?
కేంద్ర రహదారులు, రవాణా మంత్రిత్వ శాఖ ‘వాహన సారథి’ ఆన్లైన్పోర్టల్ను రూపొందించింది. ఇంట్లో కూర్చొనే లెర్నింగ్లైసెన్స్ నుంచి రిజిస్ట్రేషన్వరకు మొత్తం18 రకాల సేవలను ఆన్లైన్ద్వారా నిర్వహించుకోవచ్చు. ముఖ్యంగా రిజిస్ట్రేషన్ప్రక్రియను కూడా డీలర్లే పూర్తి చేస్తారు. ఇందులో భాగంగా పరివాహన్సేవా పేరిట ప్రత్యేక ఆన్లైన్ వ్యవస్థ ఏర్పాటు చేసిన కేంద్రం.
దీని పరిధిలోకి వాహన సారథి సేవలను అందుబాటులోకి తీసుకొచ్చింది. మన రాష్ట్రం మినహా దేశంలోని అన్నిరాష్ట్రాలు పోర్టల్తో అనుసంధానమై సేవలను అందుబాటులోకి తెచ్చాయి. గతేడాది తెలంగాణ రాష్ట్ర ప్రభుత్వం కూడా ఆమోదించింది. దీంతో సికింద్రాబాద్ఆర్టీఏ ఆఫీసు నుంచి పైలట్ప్రాజెక్టుగా సేవలను అందుబాటులోకి తీసుకురావాలని నిర్ణయించింది. ఆ తర్వాత రాష్ట్రంలోని అన్ని ఆర్టీఏ జోన్లలో ఇంప్లిమెంట్చేయాలని డిసైడ్అయింది.
ఏం జరిగింది?
వాహన్సారథి అమలుకు తెలంగాణ ఆర్టీఏ డేటాను జాతీయ రవాణా, రహదారుల మంత్రిత్వ శాఖ పోర్టల్కు బదిలీచేసే క్రమంలోనే టెక్నికల్ఇష్యూస్వస్తున్నాయి. మొదట 2024 అక్టోబర్లోనే మొదలుపెట్టాలని అనుకున్నా సాధ్యం కాలేదు. మళ్లీ జనవరి 2025 అని వాయిదా వేయగా, అదే టెక్నికల్ఇష్యూస్తో ఆలస్యమవుతుంది. మన రాష్ట్రంలో ఆర్టీఏకు సీఎంఎస్సంస్థ సాంకేతిక సహకారాన్ని అందిస్తోంది. ఈ సంస్థ నుంచి నేషనల్ ఇన్ఫర్మేషన్ సెంటర్(ఎన్ఐఎస్)కు సమాచార బదిలీలో ప్రాథమిక దశలోనే ఇబ్బందులు వస్తున్నట్టు ఆఫీసర్లు చెబుతున్నారు.
రాష్ట్రానికి సంబంధించిన కొన్ని డ్రైవింగ్ లైసెన్స్ డేటా సీఎంఎస్లో లేకపోవడం కూడా సమస్యలు వస్తున్నట్టు తెలుస్తోంది. ఇంతకుముందు ఆర్టీఏ లైసెన్సులు మ్యానువల్గా జారీ అయ్యేవి. ఆ తర్వాత సీఎంఎస్ సాంకేతిక పరిజ్ఞనంతో రూపొందించిన డ్రైవింగ్ లైసెన్స్ఇస్తోంది. ఈ డేటా టు టైర్, త్రీ టైర్ టెక్నాలజీతో ఉండడంతో ఎన్ఐసీకి బదిలీ చేయడంలో టెక్నికల్ఇష్యూస్ వస్తున్నాయి. త్వరలోనే సమస్య పరిష్కరించి అందుబాటులోకి తెస్తామని ఆర్టీఏ అధికారులు తెలిపారు.
18 రకాల సేవలివే..
వాహన్సారథితో వాహనదారులు ఇంటి నుంచే సేవలను పొందొచ్చు. లెర్నింగ్లైసెన్స్కావాలంటే ఆన్ లైన్లో ఎక్కడి నుంచైనా పరీక్ష రాసి లైసెన్స్తీసుకోవచ్చు. రిజిస్ట్రేషన్కు ఇప్పటివరకు ఆన్లైన్లో స్లాట్బుక్చేసుకుని ఇచ్చిన టైంకు ఆర్టీఏ ఆఫీసుకు వెళ్లాల్సి ఉండేది. వాహన సారథి వస్తే షోరూమ్ ల్లో డీలరే ఆ పని కంప్లీట్ చేయొచ్చు. వీటితో పాటు డ్రైవింగ్లైసెన్స్రెన్యూవల్, ఫీజుల చెల్లింపులు, వాహనాలను ఇతరులకు అమ్మిన సమయంలో బదిలీ వంటి దాదాపు 18 రకాల సేవలు ఆన్లైన్ద్వారా దేశంలోని ఎక్కడి నుంచైనా నిర్వహించుకునే చాన్స్ ఉంది.
