జూబ్లీహిల్స్, వెలుగు: మాజీ ప్రధాని అటల్ బిహారి వాజ్పేయీ100వ జయంతి సందర్భంగా బుధవారం బంజారాహిల్స్ లోని బసవ తారకం క్యాన్సర్హాస్పిటల్లో కేంద్రమంత్రి కిషన్రెడ్డి క్యాన్సర్తో బాధపడుతున్న చిన్నారులకు పండ్లు పంపిణీ చేశారు. ఆయన వెంట బీజేపీ రాష్ట్ర ఉపాధ్యక్షుడు చింతల రామచంద్రారెడ్డి, బీజేపీ నాయకులు బంగారు శృతి, డాక్టర్గౌతమ్ రావు, పెద్దిరెడ్డి, ప్రేమ్సింగ్రాథోడ్, ప్రేమ్రాజ్, భోజిరెడ్డి, వెంకటస్వామి, రామ్మోహన్, బంగారం చంద్రశేఖర్ఉన్నారు. అలాగే అటల్ బిహారి వాజ్పేయీ శతజయంతి సందర్భంగా బుధవారం బీజేపీ ఆధ్వర్యంలో భారీ ర్యాలీ నిర్వహించారు.
ట్యాంక్ బండ్ అంబేద్కర్ విగ్రహానికి నివాళులర్పించిన కేంద్ర మంత్రి కిషన్ రెడ్డి, రాజ్యసభ సభ్యుడు డాక్టర్ లక్ష్మణ్ అనంతరం బీజేపీ స్టేట్ఆఫీస్నుంచి మొదలైన వాజ్పేయీ శతజయంతి ఉత్సవ ర్యాలీలో పాల్గొన్నారు. బీజేపీ శ్రేణులు భారీగా తరలివచ్చారు.
