- వృద్ధుడు సజీవదహనం
కొత్తకోట, వెలుగు: వనపర్తి జిల్లా కొత్తకోట పట్టణంలో శనివారం తెల్లవారుజామున షార్ట్ సర్క్యూట్ తో ఇంటిలో మంటలు చెలరేగి వృద్ధుడు సజీవ దహనమయ్యాడు. కుటుంబ సభ్యులు తెలిపిన వివరాల ప్రకారం.. బలిజపల్లి దేవయ్య శెట్టి(95) ఇంట్లో పడుకోగా, ఫ్యాన్ నుంచి మంటలు చెలరేగగా, మంటల్లో చిక్కుకున్నాడు. ఇంట్లో ఎవరూ లేకపోవడంతో సజీవ దహనమయ్యాడు. ఇంటి ముందు ఉన్న వారు మంటలు గమనించి కొడుకు విశ్వనాథం యాదగిరికి సమాచారం ఇచ్చారు. మంటలు ఆర్పి చూసేసరికి దేవయ్య చనిపోయి ఉన్నాడు.
