‘బేబీ జాన్’ (Baby John) టైటిల్‌‌‌‌తో వరుణ్ ధావన్ (Varun Dhawan) హీరోగా ఓ హిందీ సినిమాను జీ స్టూడియోస్‌‌‌‌తో కలిసి డైరెక్టర్ అట్లీ నిర్మిస్తున్నాడు. కీర్తి సురేష్ ఈ మూవీతో బాలీవుడ్ ఎంట్రీ ఇస్తోంది. వామికా గబ్బి మరో హీరోయిన్. కాలీస్ దర్శకత్వం వహిస్తున్నాడు. 2016 లో హీరో విజయ్‌‌‌‌తో అట్లీ తీసిన తమిళ చిత్రం ‘తేరి’కి ఇది రీమేక్.
తాజాగా బేబీ జాన్ మూవీ టీజర్ డిజిటల్ ఫ్లాట్ ఫార్మ్స్ లో రిలీజ్ చేశారు మేకర్స్. ''చీమ ఒంటరిగా ఉంటే ఈజీగా నలిపేయవచ్చు.. కానీ అన్ని చీమలు గుంపులుగా ఒకేచోట ఏకమైతే ఏనుగును కూడా పడగొట్టగలవు'' అని ఒక చిన్న పాప వాయిస్ ఓవర్ తో 'బేబీ జాన్' టీజర్ షురూ అయింది.
త‌మ‌న్ అందించిన బ్యాక్‌గ్రౌండ్ మ్యూజిక్ ఓ లెవ‌ల్‌లో ఉంది. ఈ యాక్షన్ ఎంటర్‌‌‌‌‌‌‌‌టైనర్‌‌‌‌‌‌‌‌లో వరుణ్ ధావన్ ఓవైపు పవర్ ఫుల్ పోలీసాఫీసర్ గా, మరోవైపు తన కుమార్తెతో కలిసి గడిపే తండ్రిగా కనిపిస్తూ ఆకట్టుకున్నాడు. వరుణ్ ధావన్ కు భార్య పాత్రలో కీర్తి సురేష్ నటించింది. కాగా టీజర్ చూస్తే తెరి కంటెంట్ ను వీళ్లు (హిందీ మేకర్స్) పెద్దగా మార్చలేదనిపిస్తోంది. కాకపోతే యాక్షన్ డోస్ పెరిగింది. క్రిస్మస్ సందర్భంగా డిసెంబర్ 25న బేబీ జాన్ సినిమా రిలీజ్ కానుంది.
