టాలీవుడ్ ప్రముఖ హీరో వరుణ్ తేజ్, డైరెక్టర్ కరుణ కుమార్ కాంబినేషన్ లో తెరకెక్కిన మట్కా సినిమా నవంబర్ 14న వరల్డ్ వైడ్ గ్రాండ్ గా రిలీజ్ అయ్యింది. ఈ సినిమాలో హీరోయిన్ గా బ్యూటిఫుల్ హీరోయిన్ మీనాక్షి చౌదరి నటించగా నవీన్ చంద్ర, నోరా ఫతేహి(బాలీవుడ్), మిమి గోపి, కిషోర్, రవిశంకర్ తదితరులు ప్రధాన తారాగణంగా నటించారు. ప్రముఖ మ్యూజిక్ డైరెక్టర్ జివి ప్రకాష్ కుమార్ సంగీతం అందించాడు.
భారీ అంచనాల నడుమ రిలీజ్ అయిన మట్కా సినిమా ఆడియన్స్ అంచనాలని ఏమాత్రం అందుకోలేకపోయింది. దాదాపుగా 1800 స్క్రీన్స్ లో మట్కా రిలీజ్ కాగా మొదటి రోజు కనీసం కోటి రూపాయలు కూడా కలెక్ట్ చేయలేకపోయినట్లు సమాచారం. అయితే ట్రేడ్ వర్గాల సమాచారం ప్రకారం వరల్డ్ వైడ్ మొదటిరోజు రూ.80 లక్షలు (గ్రాస్) కలెక్ట్ చేసినట్లు తెలుస్తోంది. దీంతో కనీసం 3% శాతం కూడా రికవరీ చేయలేక చతికల పడింది.
Also Read :- రూ.50 కోట్లు కలెక్షన్స్ మార్క్ అందుకున్న కిరణ్ అబ్బవరం "క" సినిమా.
ఈ విషయం ఇలా ఉండగా మట్కా ఆట బ్యాక్ డ్రాప్ లో ఈ చిత్రాన్ని తెరకెక్కించారు. ఇందులో భాగంగా ఓ సాధారణ యువకుడు మట్కా ఆటని శాసించి సామ్రాజ్యాన్ని ఎలా నిర్మించాడు, ఈ క్రమంలో ఎలాంటి ఇబ్బందులు ఎదుర్కున్నాడనే విషయాలను చూపించారు.
గతంతో పోలిస్తే ఈ చిత్రంలో వరుణ్ తేజ్ గెటప్ మరియు డైలాగ్ డెలివరీ పూర్తీగా భిన్నంగా ఉంది. కానీ మాస్, క్లాస్ లుక్స్ ఫ్యాన్స్ ని ఆకట్టుకోలేకపోయాయి. సాంగ్స్ బీజియం స్కోర్ ఈ సినిమాపై ఏమాత్రం ప్రభావం చూపలకపోయిందని చెప్పవచ్చు.
