- ఏఐటీయూసీ స్టేట్ ప్రెసిడెంట్ వాసిరెడ్డి సీతారామయ్య
కోల్బెల్ట్,వెలుగు : బీఆర్ఎస్ పాలనతో సింగరేణిలో రాజకీయ జోక్యం పెరిగి సంస్థ మనుగడ, కార్మికుల భద్రతకు నష్టం జరిగిందని, టీబీజీకేఎస్ ఇచ్చిన హామీలు నెరవేర్చకుండా కార్మికులను మోసం చేసిందని ఏఐటీయూసీ స్టేట్ ప్రెసిడెంట్ వాసిరెడ్డి సీతారామయ్య అన్నారు. మంగళవారం మందమర్రి ఏరియా కాసిపేట-1 గనిపై నిర్వహించిన గేట్ మీటింగ్లో ఆయన మాట్లాడారు. ఏఐటీయూసీ సింగరేణి కార్మికులకు అనేక హక్కులు, డిమాండ్లను సాధించిందన్నారు. బొగ్గు గని కార్మికులకు దీపావళి బోనస్, లాభాల్లో వాటా
పెన్షన్ స్కీం, ఎస్డీఎల్ ఆపరేటర్లకు పోర్త్ కేటగిరి నుంచి ఆరో కేటగిరి, ఎస్ఎల్పీ వంటి హక్కులను ఏఐటీయూసీ సాధించినట్లు చెప్పారు. గత ఎన్నికల్లో బీఆర్ఎస్, టీబీజీకేఎస్ కార్మికులకు ఇచ్చిన హామీలను నెరవేర్చకుండా కార్మికులను మోసం చేశాయని ఆరోపించారు. మారుపేర్ల సవరణ, సొంతింటి కల నేర్చకపోవడం, మితిమీరిన రాజకీయజోక్యం, రూ.29వేల కోట్ల బకాయిలు చెల్లించకపోవడం వంటి చర్యలు సంస్థకు నష్టం కలిగించాయన్నారు. కార్మికుల సమస్యలను టీబీజీకేఎస్ పరిష్కారించలేదన్నారు.
ఈనెల 27న జరిగే గుర్తింపు సంఘం ఎన్నికల్లో ఏఐటీయూసీ యూనియన్ చుక్క గుర్తుకు ఓటు వేసి గెలిపించాలని కోరారు. సమావేశంలో యూనియన్ బెల్లంపల్లి బ్రాంచి ఇన్చార్జి చిప్ప నర్సయ్య, మందమర్రి, బెల్లంపల్లి బ్రాంచిల సెక్రటరీ సలెంద్ర సత్యనారాయణ, దాగం మల్లేశ్, వైస్ ప్రెసిడెంట్ బియ్యాల వెంకటస్వామి, అసిస్టెంట్ సెక్రటరీ దాసిర తిరుపతి గౌడ్, నాగేశ్వర్రావు, మీనుగు లక్ష్మినారాయణ, బొంకూరి రాంచందర్, శ్రీహరి, సంపత్, రవిందర్, అనిల్, రాజన్న, రఘురాం, సుందరం తదితరులు పాల్గొన్నారు.
