భద్రాద్రికొత్తగూడెం, వెలుగు : సింగరేణి సంస్థతో పాటు కార్మికుల మనుగడను టీబీజీకేఎస్ దెబ్బతీసిందని సింగరేణి కాలరీస్ వర్కర్స్ యూనియన్ అధ్యక్షుడు వాసిరెడ్డి సీతారామయ్య ఆరోపించారు. కొత్తగూడెం ఏరియాలోని పీవీకే 5 ఇంక్లైన్తో పాటు పలు డిపార్ట్మెంట్లలో గురువారం నిర్వహించిన గేట్ మీటింగ్లలో ఆయన మాట్లాడారు. కార్మికులకు ఎన్నో రకాల హక్కులను సాధించిన ఘనత ఏఐటీయూసీదేనన్నారు.
సంస్థ సాధించిన లాభాల్లో కార్మికులకు వాటాతో పాటు పెన్షన్, హెల్త్ స్కీం సాధించామని తెలిపారు. కార్మికుల పక్షాన పోరాడే సంఘం ఏఐటీయూసీ అని అన్నారు. 27న జరిగే గుర్తింపు సంఘం ఎన్నికల్లో వర్కర్స్ యూనియన్ను గెలిపించాలని కోరారు. ఈ ప్రోగ్రాంలో యూనియన్ నాయకులు మల్లికార్జునరావు, గట్టయ్య, నాగేశ్వరరావు, రాజేశ్వరరావు, రాంచందర్, శేషగిరి పాల్గొన్నారు.
