‘హీరో’ చిత్రంతో టాలీవుడ్ ఎంట్రీ ఇచ్చిన మహేష్ బాబు మేనల్లుడు అశోక్ గల్లా.. ఇప్పుడు ‘దేవకీ నందన వాసుదేవ’ చిత్రంతో ప్రేక్షకుల ముందుకొస్తున్నాడు. ‘గుణ 369’ ఫేమ్ అర్జున్ జంధ్యాల దర్శకత్వం వహించిన ఈ చిత్రానికి ప్రశాంత్‌‌‌‌వర్మ కథను అందించాడు. వారణాసి మానస హీరోయిన్‌‌‌‌గా నటించింది. తాజాగా ఈ సినిమా విడుదలను వారం వాయిదా వేస్తూ కొత్త రిలీజ్ డేట్‌‌‌‌ను ప్రకటించారు.
వాస్తవానికి నవంబర్ 14న రిలీజ్ చేయాలని భావించినా.. కొన్ని అనివార్య కారణాల వలన నవంబర్ 22కి పోస్ట్ పోన్ చేశారు. ఇప్పటికే విడుదలైన సాంగ్స్, ప్రమోషనల్ కంటెంట్‌‌‌‌కి మంచి రెస్పాన్స్ వచ్చింది. నల్లపనేని యామిని సమర్పణలో సోమినేని బాలకృష్ణ ఈ చిత్రాన్ని నిర్మించారు.
