- గత నెల19 నాటి మీటింగ్ నిర్ణయాలపై హైకోర్టు స్టే
- 26 నాటి తీర్మానాల అమలుపై కన్ఫ్యూజన్
నిజామాబాద్, వెలుగు: నిజామాబాద్లోని తెలంగాణ యూనివర్సిటీ తాజా పరిణామాలు తీవ్ర గందరగోళం కలిగిస్తున్నాయి. వీసీ రవీందర్గుప్తా వర్సెస్ ఈసీ మెంబర్ల మధ్య నడుస్తున్న వార్కారణంగా పాలనాపరమైన అగాధం నెలకొంది. గత నెల19వ తేదీన నిర్వహించిన ఈసీ మీటింగులో తీసుకున్న నిర్ణయాలపై హైకోర్టు స్టే విధించగా, 26వ తేదీన జరిగిన తీర్మానాల అమలు కన్ఫ్యూజన్గా మారింది. ఉన్నత విద్యా శాఖ కమిషనర్ నవీన్ మిట్టల్, కార్యదర్శి వాకాటి కరుణ నేతృత్వంలో 26న సమావేశమైన ఈసీ సభ్యులు వీసీగా రవీందర్గుప్తా బాధ్యతలు తీసుకున్న తరువాత, ఈసీ ఆమోదం లేకుండా ఖర్చు చేసిన ప్రతి పైసాను ఏసీబీతో విచారణ చేయించాలని తీర్మానించి ఏసీబీ డీజీకి లేఖ రాశారు. రిజిస్ట్రార్విద్యావర్థినిని సస్పెండ్ చేయాలని మినిట్స్ రాశారు. ఫైవ్మెన్, త్రీమెన్ కమిటీ ఏర్పాటు, ఫర్నిచర్కొనుగోలు కోసం పాటించాల్సిన నిబంధనల అంశాలపై తీర్మానించారు. ఇందులో కీలకమైన ఏసీబీ విచారణ, విద్యావర్థని సస్పెన్షన్ అంశాలపై ఏమి జరగబోతుందనే టెన్షన్ అందరిలో నెలకొంది.
రిజిస్ట్రార్ యాదగిరిపై వీసీ సీరియస్
19న ఈసీ మీటింగ్ తర్వాత రిజిస్ట్రార్గా యాదగిరి చార్జ్ తీసుకున్నారు. ఇది చెల్లదని వాదిస్తున్న వీసీ రవీందర్గుప్తా హైకోర్టు స్టేను ప్రత్యేకంగా ప్రస్తావిస్తూ .. రెండు రోజుల్లో ఆమోదయోగ్యమైన ఆర్డర్ తెచ్చుకోవాలని లేకుంటే పోలీసు కేసు నమోదు చేయిస్తానని అల్టిమేటం ఇచ్చారు. కోర్టు స్టేను గౌరవించి బాధ్యతల నుంచి తప్పుకునే ఆలోచనలో యాదగిరి ఉన్నారు. ఈ విషయాన్ని సీరియస్గా భావిస్తున్న నవీన్మిట్టల్, వాకాటి కరుణ స్టే రద్దు కోసం ప్రయత్నిస్తున్నారు.
ఈ నెల 5న వర్చువల్ మీటింగ్?
వీసీ, ఈసీ మెంబర్ల కొట్లాటలో తన భవిష్యత్తుపై ఆందోళన చెందుతున్న విద్యావర్థిని తనకు రిజిస్ట్రార్ బాధ్యతలే వద్దని తెగేసి చెప్పారు. యాదగిరిని తప్పించి తిరిగి రిజిస్ట్రార్ కుర్చీలో తనను కూర్చోబెట్టాలనే వీసీ రవీందర్ గుప్తా ఆలోచనను విద్యావర్థిని వ్యతిరేకిస్తున్నారు. ఈ నెల 5న నిర్వహించనున్న ఈసీ మెంబర్ల వర్చువల్ మీటింగ్పై అనుమానాలు మొదలయ్యాయి. అనేక మలుపులు, ఉత్కంఠకు దారితీసిన పరిణామాలు చివరకు ఎటు వెళ్తాయనే ఆసక్తి వర్సిటీలో ఏర్పడింది.
