న్యూఢిల్లీ: వేదాంత లిమిటెడ్ 3,324 కోట్ల విలువైన డివిడెండ్ ప్రకటించింది. ఒక్కో షేరుకు రూ. 8.5 చొప్పున 2025 ఆర్థిక సంవత్సరం కోసం నాలుగో మధ్యంతర డివిడెండ్‌‌ను చెల్లించనుంది. డివిడెండ్ అర్హత కోసం రికార్డు తేదీని డిసెంబర్ 24గా నిర్ణయించారు.
వేదాంత లిమిటెడ్ డైరెక్టర్ల బోర్డు సోమవారం జరిగిన సమావేశంలో ఈ మేరకు నిర్ణయం తీసుకుంది. ప్రస్తుత ఆర్థిక సంవత్సరంలో ఇది నాలుగో మధ్యంతర డివిడెండ్. మే 2024లో రూ.11 చొప్పున, ఆగస్టు 2024లో రూ.4 చొప్పున, సెప్టెంబర్‌‌లో రూ.20 చొప్పున డివిడెండ్‌‌ను కంపెనీ ప్రకటించింది.
