హీరోయిన్ వేదిక లీడ్ రోల్‌‌‌‌లో నటించిన సినిమా ‘ఫియర్’. సస్పెన్స్ థ్రిల్లర్ కథతో దర్శకురాలు హరిత గోగినేని ఈ మూవీని రూపొందించారు. దత్తాత్రేయ మీడియా బ్యానర్‌‌‌‌‌‌‌‌పై ప్రొడ్యూసర్ ఏఆర్ అభి నిర్మించారు. ఈ చిత్రాన్ని డిసెంబర్ 14న విడుదల చేయనున్నట్టు మంగళవారం ప్రకటించారు. ఈ సందర్భంగా రిలీజ్ చేసిన పోస్టర్‌‌‌‌‌‌‌‌లో వేదిక భయపడుతూ కనిపిస్తూ సినిమాపై ఇంటరెస్ట్ క్రియేట్ చేస్తోంది.
ఇదిలా ఉంటే సినిమా విడుదలకు ముందే వివిధ అంతర్జాతీయ ప్రతిష్టాత్మక ఫిలిం ఫెస్టివల్స్‌‌‌‌లో 70 కి పైగా అవార్డులను గెల్చుకుని కొత్త రికార్డ్ క్రియేట్ చేసింది. ఇందులో అరవింద్ కృష్ణ ముఖ్య పాత్ర పోషించగా, జయప్రకాష్ , పవిత్ర లోకేష్, అనీష్ కురువిల్లా, సాయాజి షిండే, సత్య కృష్ణ, సాహితి దాసరి, షాని ఇతర పాత్రల్లో కనిపించనున్నారు. అనూప్ రూబెన్స్ సంగీతం అందిస్తున్నాడు.
