కోలీవుడ్ స్టార్ విక్రమ్ నుంచి రాబోతున్న చిత్రం ‘వీర ధీర శూర’. ‘చిన్నా’ ఫేమ్‌ ఎస్ యూ అరుణ్ కుమార్ దర్శకుడు. రియా శిబు నిర్మిస్తున్నారు. శనివారం తెలుగు వెర్షన్‌ టీజర్‌‌‌‌‌‌‌‌ను విడుదల చేశారు. కిరాణా షాపులో కూతురుని నిద్ర పుచ్చుతున్న విక్రమ్.. సరుకుల కోసం వచ్చిన మహిళను కాస్త మెల్లగా మాట్లాడమని సైగ చేస్తాడు. దుషార విజయన్‌ తనకు భార్యగా నటించింది. ఫ్యామిలీతో హ్యాపీగా కనిపిస్తున్నాడు. కానీ ఇదంతా నాణేనికి ఒక వైపు. మరోవైపు కత్తులు, బాంబులతో విధ్వంసం సృష్టిస్తాడు. అతడి కోసం ఓ వైపు పోలీసులు, మరోవైపు అతడి శత్రువులు వెతుకుతుంటారు.
జాతరలో తనపై అటాక్ చేయడానికి ప్లాన్ చేస్తుంటారు. అసలు అతని గతం ఏమిటి, ఎందుకు వాళ్లు తనని వెంటాడుతున్నారు అనేది మిగతా కథ. పోలీస్ ఆఫీసర్‌‌‌‌‌‌‌‌గా ఎస్.జె.సూర్య, మరో కీలకపాత్రలో మలయాళ నటుడు సూరజ్ వెంజరమూడు కనిపించారు. జీవీ ప్రకాష్ కుమార్ సంగీతం అందిస్తున్నాడు. రెండు భాగాలుగా తెరకెక్కుతున్న ఈ మూవీ సెకండ్ పార్ట్‌‌‌‌ను ముందుగా విడుదల చేయబోతున్నారు. మార్చి 27న ప్రేక్షకుల ముందుకు రానుంది. తెలుగులో ఎన్వీఆర్‌ సినిమాస్ సంస్థ రిలీజ్ చేస్తోంది.
