- బీసీలను అవమానిస్తే ఊరుకునేదిలేదు
యాదాద్రి, వెలుగు: రియల్టర్లు, కాంట్రాక్టర్లు పార్టీ నుంచి వెళ్లిపోవచ్చని, బీసీలను అవమానిస్తే ఊరుకునేది లేదని -ఎంపీ కోమటిరెడ్డి వెంకట్‌‌రెడ్డి హెచ్చరించారు. భువనగిరిలో బుధవారం జరిగిన పార్లమెంట్స్థాయి మీటింగ్‌‌కు పార్లమెంట్ కో ఆర్డినేటర్, కర్ణాటకలోని హంగల్‌ ఎమ్మెల్యే శ్రీనివాస్ మానెతో కలిసి హాజరయ్యారు. ఈ సందర్భంగా వెంకట్‌‌రెడ్డి మాట్లాడుతూ తనకు పదవులు అవసరం లేదని ప్రజల కోసమే పని చేస్తానని స్పష్టం చేశారు. తనకు ఏ వ్యాపారం లేదని, కొండలు, గుట్టలు అమ్ముకోవడం తెలియదన్నారు. బీసీలు మీటింగ్ పెట్టుకుంటే కాంగ్రెస్ నుంచి వెళ్లిపోయిన వ్యక్తికి ఎమ్మెల్సీ వచ్చినా, రియల్ఎస్టేట్ వ్యాపారం చేసుకున్నా తనకు అవసరం లేదని, బీసీలపై అవాకులు చెవాకులు మాట్లాడితే మాత్రం ఊరుకునేది లేదని హెచ్చరించారు. కేసీఆర్ కేబినెట్లోఎక్కువ మంది ఓసీలే ఉన్నారని , మాదిగలకు ప్రాతినిధ్యమే ఇవ్వలేదన్నారు.
ఓఆర్‌‌‌‌ఆర్‌ లీజుకు ఇచ్చిన కేసీఆర్ఆ డబ్బుతో రుణమాఫీ వడ్డీ మాత్రమే మాఫీ చేస్తున్నారని మండిపడ్డారు. గంధమల్ల రిజర్వాయర్ పనులను గుత్తా సుఖేందర్ రెడ్డి వియ్యంకుడికి ఇచ్చారన్నారు. మంత్రి కేటీఆర్ తాను మొదటిసారి ఎమ్మెల్యే అయినప్పుడు అమెరికాలో బాత్రూమ్లు కడుతున్నారని విమర్శించారు. ఒక్కో పార్లమెంట్ పరిధిలో రెండు సీట్లు బీసీలకు ఇవ్వాలని పార్టీ హై కమాండ్నిర్ణయించిందని, టికెట్ల కోసం ఎవరైనా అప్లై చేసుకోవచ్చని సూచించారు. -
బీఆర్ఎస్, బీజేపీ ఒక్కటేశ్రీనివాస్ మానె మాట్లాడుతూ రాష్ట్రంలో బీజేపీ, బీఆర్‌‌‌‌ఎస్ఒక్కటేనని, బయట శత్రువులుగా కనిపిస్తూ ఇంటర్నల్‌‌గా కలిసే ఉంటున్నాయని విమర్శించారు. ఆ రెండింటిని ఓడించాలంటే పార్టీ లీడర్లు సమష్టిగా పని చేయాలని సూచించారు. భువనగిరి పార్లమెంట్ పరిధిలోని ఏడింటికి ఏడు గెలుస్తేనే రాష్ట్రంలో టార్గెట్ రీచ్ అవుతామన్నారు. గెలిచిన తర్వాత సంబరాలు.. నన్మానాలు చేసుకుందామని ఇప్పుడు కాదన్నారు.
పార్టీలో కోవర్డులున్నరు
అంతకుముందు పలువురు లీడర్లు మాట్లాడుతూ పార్టీలో కోవర్డులున్నారని, వారిని గుర్తించి బయటికి పంపాలని కోరారు. పార్టీలో కేడర్ మనోభావాలని పరిగణలోకి తీసుకోవడం లేదని అసంతృప్తి వ్యక్తం చేశారు. దశాబ్దాలుగా పనిచేస్తున్న వారిని విస్మరించి..రెడిమేడ్ లీడర్లకు ప్రయారిటీ ఇస్తున్నారని ఆరోపించారు. ఉదయగిరి డిక్లరేషన్ ప్రకారం ఒక్క పార్లమెంట్ పరిధిలో మూడు అసెంబ్లీ సీట్లను బీసీలకే ఇవ్వాలని డిమాండ్ చేశారు. ఈ కార్యక్రమంలో రాష్ట్ర నేతలు పాల్వయి స్రవంతి, అండెం సంజీవరెడ్డి, మాజీ ఎమ్మెల్యే డాక్టర్ నగేశ్, టీపీసీసీ సెక్రటరీలు బీర్ల అయిలయ్య, పోత్నక్ ప్రమోద్ కుమార్, తంగెళ్లపల్లి రవికుమార్, బోరెడ్డి అయోధ్యరెడ్డి, కల్లూరి రాంచంద్రారెడ్డి, బండ్రు శోభారాణి, భువనగిరి పార్లమెంట్ పరిధిలోని లీడర్లు పాల్గొన్నారు.
