కామారెడ్డి, వెలుగు: ప్రజల వద్దకు పాలనే బీజేపీ నినాదమని ఆ పార్టీ కామారెడ్డి నియోజకవర్గ ఇన్చార్జి కాటిపల్లి వెంకట రమణారెడ్డి పేర్కొన్నారు. రాజంపేట మండల కేంద్రంతో పాటు, రామారెడ్డి మండలం రెడ్డిపేటకు చెందిన పలువురు గురువారం బీజేపీలో చేరారు. రమణారెడ్డి వీరికి కండువా కప్పి పార్టీలోకి ఆహ్వానించారు.
ఈ సందర్భంగా రమణారెడ్డి మాట్లాడుతూ.. ప్రజలు ఆఫీసర్ల చుట్టూ తిరిగే అవసరం లేకుండా, గ్రామాల్లోనే ఆఫీసర్లతో కలిసి తిరుగుతూ సమస్యలను పరిష్కరిస్తామన్నారు. కామారెడ్డి నియోజకవర్గంలో పలు గ్రామాల్లో రూ.వేల కోట్ల విలువైన అసైన్డ్భూములు ఉన్నాయని, వాటిని దోచుకునేందుకే దొరలు ఇక్కడికి వస్తున్నారన్నారు. రాజంపేట ప్రెసిడెంట్ గంగారెడ్డి, తదితరులు పాల్గొన్నారు.
