విక్టరీ వెంకటేష్ హీరోగా అనిల్ రావిపూడి దర్శకత్వంలో దిల్ రాజు, శిరీష్ నిర్మిస్తున్న చిత్రం ‘సంక్రాంతికి వస్తున్నాం’ (SankranthikiVasthunam). మీనాక్షి చౌదరి, ఐశ్వర్య రాజేష్ హీరోయిన్స్‌. ఈ మూవీ సంక్రాంతి కానుకగా 2025 జనవరి14న ప్రేక్షకులు ముందుకు రానుంది.
ఈ ఫ్యామిలీ ఎంటర్ టైనర్ నుండి తాజాగా ఫ‌స్ట్ సింగిల్ గోదారి గట్టు (Godari Gattu) సాంగ్ రిలీజ్ చేశారు. ‘గోదారి గట్టుమీద రామ చిలకవే.. ఓ గోరింటాకెట్టుకున్న సందమామవే’ అంటూ సాగే ఈ మెలోడీ గీతం ఆకట్టుకుంటోంది. ఒక పాట అనంతమైన భావాలు పలికించడం అంటే.. అది ఈ మాయా మెలోడీ గోదారిగట్టు వింటే తెలుస్తోంది. ఒక్కమాటలో చెప్పాలంటే.. వెంకీ, ఐశ్వర్యల రోమాంటిక్‌ మెలోడీ అద్దిరిపోయింది.
Also Read : మన జాతిరత్నంతో కిస్సిక్‌ పాటకు స్టెప్పులేసిన బాలయ్య, శ్రీలీల
బలగం, ధమాఖా మ్యూజిక్ డైరెక్టర్ భీమ్స్‌ సిసిరోలియో స్వరాలు సమకూర్చగా.. భాస్కరభట్ల సాహిత్యమందించారు. దాదాపు 18 ఏళ్ల తర్వాత సీనియర్ సంగీత ద‌ర్శ‌కుడు ర‌మ‌ణ గోగుల ఈ సాంగ్ తో మళ్ళీ ఎంట్రీ ఇచ్చారు. తెలంగాణ ఫోక్ సింగ‌ర్ మ‌ధుప్రియతో క‌లిసి ర‌మ‌ణ గోగుల ఈ పాటను తనదైన మార్క్ తో పాడారు.
