ఐకాన్ స్టార్ అల్లు అర్జున్ హీరోగా వచ్చిన పుష్ప సినిమా క్రేజ్ గురించి ప్రత్యేకంగా చెప్పాల్సిన పని లేదు. అల్లు అర్జున్ కి బెస్ట్ యాక్టర్ గా నేషనల్ అవార్డు తెచ్చి పెట్టిన ఈ సినిమాకు వరల్డ్ వైడ్ గా క్రేజ్ సంపాదించింది.ప్రస్తుతం పుష్ప2 సినిమా రిలీజ్ కి సిద్ధమవుతోంది. ఆగస్టు 15న ఈ సినిమాను రిలీజ్ చేసేందుకు సన్నాహాలు చేస్తున్నారు మేకర్స్. ఇటీవల విడుదలైన ఈ సినిమా టైటిల్ సాంగ్ కూడా సినిమాపై అంచనాలు పెంచేసింది. దేవిశ్రీ ప్రసాద్ సంగీతం అందించిన ఈ సాంగ్ క్యాచీగా ఉండటమే కాకుండా స్టెప్స్ కూడా హైలైట్ అయ్యాయి.
సోషల్ మీడియాలో పుష్ప సాంగ్ స్టెప్స్ వైరల్ గా మారాయి.ఫ్యాన్స్ నుండి సోషల్ మీడియా సెలెబ్రిటీల వరకు అందరు ఈ స్టెప్స్ ని రీల్స్ చేస్తూ ఆకట్టుకుంటున్నారు. ఈ క్రమంలో యువకుడు గ్రూప్ డాన్సర్స్ తో కలిసి చేసిన పుష్ప కవర్ సాంగ్ సోషల్ మీడియాలో వైరల్ గా మారింది. 1లక్ష76వేల లైకులతో ఇన్స్టాగ్రామ్ లో ట్రేండింగ్ లో ఉంది.
