ప్రస్తుతం విజయ్ సేతుపతి (Vijay Sethupathi) చేతిలో చాలా సినిమాలున్నాయి. వాటిలో జాతీయ అవార్డు విన్నర్ వెట్రిమారన్ (Vetrimaran) డైరెక్ట్ చేస్తున్న ‘విడుదలై-పార్ట్2’ (ViduthalaiPart2) ఒకటి. సూరి మరో లీడ్‌ రోల్‌ చేస్తున్న ఈ మూవీ వరల్డ్ వైడ్గా డిసెంబర్ 20న రిలీజ్ కానుంది.
ఈ నేపథ్యంలో ‘విడుదలై-పార్ట్2' ఆంధ్రప్రదేశ్ & తెలంగాణ థియేట్రికల్ హక్కులను శ్రీ వేదాక్షర మూవీస్ అధినేత చింతపల్లి రామారావు సొంతం చేసుకున్నారు. అయితే ఈ విడుదలై-పార్ట్2 మూవీని తెలుగు ప్రేక్షకులకు అందించేందుకు ఎంతోమంది నిర్మాతలు పోటీ పడగా.. చివ‌ర‌కు ప్రముఖ నిర్మాత చింతపల్లి రామారావు ఫాన్సీ రేట్‌కి దక్కించుకుని తెలుగు రాష్ట్రాల్లో రిలీజ్ చేయనున్నారు.
ఈ సందర్భంగా నిర్మాత చింతపల్లి రామారావు మాట్లాడుతూ.. "విడుదల 2 చిత్రాన్ని తెలుగు ప్రేక్షకులకు అందించబోతున్నందుకు సంతోషంగా ఉంది. విజయ్ సేతుపతి, సూరి యాక్టింగ్ హైలైట్‌గా ఉంటుందని.. తెలుగులో బ్లాక్ బస్టర్ హిట్ అవ్వడం గ్యారెంటీ అని మేము గట్టిగా నమ్ముతున్నాం" అని నిర్మాత చింతపల్లి రామారావు వెల్లడించారు. కాగా ఈ మూవీకి మ్యూజిక్ మాస్ట్రో ఇళయరాజా సంగీతం అందించనున్నారు. ఇప్ప‌టికే చిత్రీకరణ, డ‌బ్బింగ్ కూడా పూర్తి చేసుకుంది.
వెట్రిమారన్ సినిమాలకు తమిళంలోనే కాకుండా తెలుగులోనూ మంచి క్రేజ్ ఉంది. తెలుగులో డబ్ చేసిన పందెం కోడి, నారప్ప వంటి సినిమాలకు ఇతనే ఒరిజినల్ దర్శకుడు. తమిళంలో విజయ్ సేతుపతి‘విడుదలై’ అనే సినిమా విమర్శల ప్రశంసలందుకుంది. ఈ సినిమాతో వెట్రిమారన్ మరో హిట్టందుకున్నాడు. కులం అనే సామాజిక అంశాన్ని వెట్రిమారన్ సబ్జెక్టుగా ఎంచుకున్నాడు. సహజమైన యాక్షన్ సన్నివేశాలు, ఒళ్లు గగుర్పొడిచే సీన్లు, ఇళయరాజా బ్యాక్ గ్రౌండ్ మ్యూజిక్ తో విడుదలై-పార్ట్1 ను ఇంట్రెస్టింగ్ గా మలిచారు.
Director #VetriMaaran 's #ViduthalaiPart2 (Tamil) and #VidudalaPart2 (Telugu) Andhra Pradesh & Telangana theatrical rights have been acquired by #SriVedaksharaMovies #ChinthapalliRamarao
— RS Infotainment (@rsinfotainment) November 4, 2024
Film releasing worldwide on 20.12.2024
An @ilaiyaraaja Musical @VijaySethuOffl… pic.twitter.com/vQRGeTExAz
